စုန်း၊တစ္ဆေ၊သရဲများနှင့် ကျွန်တော်
၁၉၆၉/၇၀ခုနှစ်များဆီကကျွန်တော်သည်ချောင်းဦးအ.ထ.ကဆယ်တန်းကျောင်းသားပင်ရင်းမြန်မာစာတွင်ဆရာကြီးရွှေဝယ်ဧရေးသားသောပင်လယ်စုန်း၊ပင်လယ်မီးလုံးကြီးများအကြောင်းပါရာကျွန်တော်အထူးစိတ်ဝင်စားသည်။ကျွန်တော်ကိုယ်တိုင်စာရေးဆရာဖြစ်လာသောအခါကျွန်တော့်ဒေသရှိစုန်း၊တစ္ဆေ၊သရဲဆိုင်ရာမီးလုံးများအကြောင်းကိုစမ်းသပ်ရေးသားတင်ပြကြည့်ရာပရိသတ်ကကြိုက်နှစ်သက်ကြသည်။
(၁)ရောင်စုံမီးတစ္ဆေသို့မဟုတ်စုန်းမီးတောက်မှာသစ်ပင်ချုံပင်ပိပ္ပေါင်းထူထပ်သောနေရာ၊ကဇာခင်တန်းချုံတန်းများထဲ၌တောင်ပို့အိုတောင်ပို့ဟောင်းများရှိသောနေရာ၌ချောက်လှန့်တတ်သည်၊ပြသလေ့ရှိသည်ဟုရှေးလူကြီးသူမများကပြောကြသည်။ချောက်လှန့်ပုံ၊ပြသပုံမှာမိုးရွာနေစဉ်ဖြစ်စေ၊မိုးသဲသဲမဲမဲရွာပြီးစ၌ဖြစ်စေညအချိန်တွင်ကဇာချုံတန်းချုံပုတ်တောင်ပို့များဆီမှ ဝေါ ဝေါ ဝေါ ဝေါ အသံများကိုကားအပြိုင်မောင်းလာသကဲ့သို့ပထမစတင်ကြားရသည်။ဝေါဝေါဝူးဝူးအသံများအဆမတန်ကျယ်ကျယ်လောင်လောင်ကြားလာပြီးနောက်ချုံတန်းသစ်ပင်တောင်ပို့များဆီမှဖြူ၊နီ၊ပြာ၊ဝါ၊စိမ်းအစရှိသောရောင်စုံမီးပွင့်မီးပန်းများဝေဝေဆာဆာထွက်ပေါ်လာပြီးလင်းထိန်ရှိန်တောက် မြင့် မြင့် မြင့် မြင့် တက်လာသည်။ဝေါဝေါဝူးဝူးအသံများ၊ရောင်စုံထွက်ပေါ်လာသောမီးပွင့်မီးပန်းများကိုအစွဲပြု၍အချောက်အလှန့်ခံရသူတို့က ရောင်စုံမီးတစ္ဆေ၊စုန်းမီးတောက်ဟုခေါ်ခဲ့ကြသည်။ဘယ်ကဇာဘယ်ချုံဘယ်တောကဘယ်တောင်ပို့ကတစ္ဆေချောက်သည်၊စုန်းမီးတောက်ထသည်ဟုရှေးလူကြီးများကပြောကြ၏။
(၂)မီးသရဲမှာယာသားလွင်ပြင်များတွင်အများဆုံးတွေ့လေ့ရှိသည်။ယခုခေတ်လူငယ်များမှာရွာချင်းဆက်လမ်းသာသာယာယာကိုဆိုင်ကယ်၊စက်ဘီး၊ကား၊ထော်လာဂျီဖြင့်ဖြတ်သွားဖြတ်လာလုပ်နေကြရသည်။ယာထွန်ထွက်ရာမျိုးစေ့စိုက်ရာ၌မနက်လင်းမှသွားလာနေကြရသည်။လွန်ခဲ့သောနှစ်အစိတ်သုံးဆယ်ကျော်ကတွင်းကြီးမှချောင်းဦး၆တိုင်(၁၂မိုင်)မြောင်သို့၆တိုင်(၁၂မိုင်)ဘယ်မြို့သွားသွားနွားလှည်းဖြင့်သွားကြရသည်။လှည်းထုံးစံတစ်နာရီတစ်တိုင်ယျေဘုယျသတ်မှတ်ရာအသွား၆နာရီ၊အပြန်၆နာရီပျမ်းမျှကြာတတ်ရာညဥ့်ခရီးကိုလွှဲဖယ်ရှောင်မရ။ထို့အတူယခင်ကမိုးပေါ၊မိုးများရာပေါင်းပင်အလွန်ထူထပ်ပေါများသည်။သစ်ငုတ်သစ်တက်၊ပြောင်းရိုးငုတ်၊ပဲစဉ်းငုံငုတ်တို့ကအတက်ထွက်သန်ကြသည်။ထိုအခါတောချွတ်ကြရသည်။တောကိုစောစောသွားရသည်။တောထဲမှာအိပ်၊စား၍ပေါင်းရှင်းယာထွန်ရသည်။ရွာမှထလာသူကဝီရိယထား၍ညဥ့်နှစ်ချက်၊သုံးနာရီ၌ယာတောသို့နွားလှည်းဖြင့်သွားရသည်။ထိုအချိန်၌မီးသရဲများကိုတွေ့ရပါတော့သည်။
ကျွန်တော်တို့ငယ်ငယ်ညဥ့်ဖက်ခရီးထွက်ထွက်၊ယာထွန်မျိုးကျဲသွားသွားလူကြီးများကအမြဲမှာသည်။မီးသရဲဟူသည်မီးလင်ပန်းကြီးကိုရွက်၍ပြေးလွှားနေရသောဝဋ်ကျွေးခံနေရသည့်သရဲကြီးဖြစ်သည်။လူနှင့်တွေ့ကြုံလာပါကသူရွက်လာသောမီးလင်ပန်းကြီးနှင့်လူကိုပစ်ပေါက်လိုက်သည်။မီးလင်ပန်းထိမိ၊အပေါက်ခံရမိသူကမီးသရဲဘဝသို့ရောက်သွားပြီးမီးသရဲကသရဲဘဝမှလွတ်သွားသည်။မီးသရဲတွေ့ကဝေးဝေးရှောင်၊သူဖြတ်သွားမည့်လမ်းကျလောက်သောနေရာဖြစ်နိုင်ကကွေ့ပတ်ရှောင်ဟုအမြဲမှာသည်။
မီးသရဲများသည်တောင်မှမြောက်သို့ပြေးလျှင်လည်းတန်းတန်းမတ်မတ်ပြေးသည်။အရှေ့မှအနောက်၊အနောက်မှအရှေ့ပြေးလျှင်လည်းတန်းတန်းမတ်မတ်ပြေးသည်။အရှေ့ပြေးရာမှတောင်ချိုးခြင်း၊မြောက်ချိုးခြင်းမရှိသလောက်ရှားပါးသည်။အနောက်မှအရှေ့ပြေးနေရာကအနောက်ပြန်လှည့်ခြင်းရှားသည်။တစ်
ခါတစ်ရံညများ၌တစ်ကောင်တစ်လေတွေ့ရတတ်သည်။တစ်ခါတစ်ရံညများ၌ဟဟမီးသရဲဟုအော်၍မှမပြီးသေး၊နောက်တစ်နေရာ၌ဟိုမှာ ဟိုမှာလည်းတစ်ကောင်ဟုလက်ညိုးညွှန်ပြရသည်။မကြာမီတခြားနေရာမှနောက်မီးသရဲကဘွားကနဲပေါ်၊ပြေးတတ်သေးသည်။တော(ယာတော)၌ညဥ့်အိပ်သက်ရှည်ကြာလာသောအဖိုးတို့၊အဖွားတို့၊အဘတို့၊အမေကြီးတို့ကြတော့မီးသရဲဝါရင့်သမ္ဘာရင့်များဖြစ်ရာဘယ်နေရာကမီးသရဲစပြေးလာပြီဆိုလျှင်ဘယ်တော၊ဘယ်သစ်ပင်၊ဘယ်သူ့ယာနားရပ်မည်ဟုကြိုတင်ပြောတတ်သည်။သူတို့ပြောသည့်အတိုင်းလည်းမှန်မှန်နေ၏၊ဤသည်မှာဒေသဝန်းကျင်တွေ့နေ၊ပြောနေ၊မြင်နေရသောတစ္ဆေ၊သရဲများနှင့်ပတ်သက်သည့်အချက်အလက်များဖြစ်ပါသည်။
ရှေးထုံးလည်းမပယ်နဲ့၊သိပ္ပံနည်းကျအမြင်လည်းလက်မလွှတ်နဲ့ဟူသောထုံးနှလုံးသွင်း၍ကွင်းဆင်းထိတွေ့ပြီး၊ချိန်ချိန်ဆဆသုံးသပ်ရေးခဲ့ရပါသည်။ရောင်စုံမီးတစ္ဆေခေါ်စုန်းမီးတောက်သည်အမှန်လည်းရှိခဲ့သည်။အမှန်လည်းချောက်လှန့်ခဲ့သည်။အကြောင်းအရင်းမှာခြတောင်ပို့ဆီမှလာသည်။တောင်ပို့အိုလာကခြဆီဘူးလည်းရှိသည်။ခြသံလည်းရှိသည်။ခြသံထုထည်အင်အားကြီးမားလာပါကမိုးသဲသဲမဲမဲရွာချိန်၊ဓာတ်ပြုချိန်နှင့်ကြုံကြိုက်ပါကဝေါဝေါဝူးဝူးအသံကုန်အော်မြည်သည်။ရောင်စုံမီးပွင့်မီးပန်းများလင်းထိန်ရှိန်တောက်နေအောင်ထွက်သည်။ဤသည်ကိုဒေသခံရှေးလူကြီးများကရောင်စုံမီးတစ္ဆေ၊သို့မဟုတ်စုန်းမီးတောက်ဟုခေါ်ကြသည်။ထိုအချက်ကိုကျွန်တော်၏ငတောငလုံးဝတ္ထုတိုများတွင်ထည့်သွင်းရေးသားထားရာပရိသတ်ကလည်းလက်ခံခဲ့ကြသည်။စာပေဆုရွေးချယ်ရေးအဖွဲ့ကလည်းစိတ်ကူးသက်သက်ဖြင့်ရေးမရသောဝတ္ထုတိုများဟုမှတ်ချက်ချကာစာပေဗိမာန်ဆုလည်းပေးခဲ့သည်။စိတ်ဝင်စားပါကစာပေဗိမာန်ဆုရငတောငလုံးဝတ္ထုတိုများ၁+၂(ရန်အောင်စာပေ၂-ဒုတိယအကြိမ်ထုတ်)မှ ဖားသမား ဝတ္ထုရှာဖတ်ကြည့်ပါ။ယခုထက်စုံစုံလင်လင်သိရှိရပါမည်။
မီးသရဲကိုရေးသားတင်ပြရာ၌မီးလုံးကြီးဖြစ်ကြောင်း၊အရှိန်ပြင်းပြင်းဖြင့်အခတ်ခံရသောဘောလုံးကြီးပြေးသကဲ့သို့မြောက်၊တောင်၊ရှေ့နောက်ပြေးနေကြောင်း၊မည်သူမျှပြေးလွှားနေသောမီးလုံးကြီးကိုစောင့်ဖမ်းကာအလျား၊အနံ၊ထုအမျိုးအစားတိုင်းထွာနိုင်သူမရှိသေးကြောင်း၊မီးလုံးကြီးတော့မီးလုံးကြီးသာဖြစ်ကြောင်းတင်ပြခဲ့သည်။(၁)ငွေတာရီမဂ္ဂဇင်း၊(၂)ငွေတာရီဆုရပေါင်းချုပ်၊(၃)ငတောငလုံး၃(၄)ဒို့ကျေးရွာဂျာနယ်(၅)ပတ္တမြားFMဇာတ်လမ်း(၆)ပုဂ္ဂလိကထုတ်ဝေသူမှထုတ်ဝေလိုကြောင်းခွင့်တောင်း၍နောင်ထုတ်ဝေမည့်ဝတ္ထုတိုပေါင်းချုပ်ပါဝင်မည့်စာမူအဖြစ်ဝတ္ထုတိုတစ်ပုဒ်ထဲ၆ကြိမ်၆ခါအထိပြန်လည်ဖော်ပြရသောကျွန်တော်၏ငွေတာရီဆုရ အသက်ကယ်ပွဲ ဝတ္ထုတိုမှာမီးသရဲအကြောင်းတင်ပြခဲ့ပါသည်။(စိတ်ဝင်စားပါကငွေတာရီဆုရပေါင်းချုပ်သို့မဟုတ်ငတောငလုံး၃ပါအသက်ကယ်ပွဲဝတ္ထုတိုကိုပြန်ဖတ်ကြည့်ပါ။)
နောက်အပတ်၌ဒုံမီးသရဲ(တုတ်မီးသရဲ)၊နနွင်းမှိုင်းတစ္ဆေ(ဆနွင်းမှိုင်းတစ္ဆေ)၊တောက်ခေါက်သစ်(သစ်တောက်)တို့အကြောင်းတင်ပြပါအုံးမည်။
ကျန်းမာချမ်းသာဘေးကင်းကြပါစေ
တွင်းကြီးဝမ်းမောင်(မြောင်)
MSC-154
Feb.6.2018,Tue
