နွေရင့်နှင်းစက်... ၆
Credit image
" ဟေး..ကြည့်စမ်း။နှပ်နေတာများ..ကိုယ်တွေအခု နေ့တစ်ပိုင်း ခွင့်ယူပြီး လာခဲ့တာ။ယုယနဲ့ စကားပြောချင်လို့လေ..ယု အဆောင်ကို မနည်းရှာပြီးလာခဲ့ရတယ်."
ယုယ မမသက်ထားကို မချိသွားချဲ ပြုံးပြလိုက်ပြီ..
" အင်း..ယုယလည်း မသက်နဲ့ တွေ့ချင်နေတာ။ အပြင်သွားရအောင်လေ "
သူမအဝတ်အစားလဲပြီိး ဒီအတိုင်းပင် လမ်းလျှောက်လာခဲ့ကြသည်။ ဒီအနားက ကော်ဖီဆိုင် သေးသေးထဲ ဝင်ထိုင်မိမှ ကော်ဖီတစ်ခွက်စီမှာလိုက်ကာ ယုယကပဲ စပြောလိုက်လေသည်။
" မသက် ယုယ အခုအလုပ်ကို ထွက်လိုက်ပြီ။ လက်ထဲလည်း ငွေသိပ်မကျန်တော့ဘူး။ မသက်ရဲ့ဝန်းကျင်မှာ အလုပ်တစ်ခုခုကို ကူညီပေးလို့ ရနိုင်မလား ဟင် .."
မသက်ထားက ယုကကို သနားသလို ကြည့်လိုက်မိပြီး..
" ဒီအတောအတွင်း မင်း စွဲသွားပြီ မဟုတ်လား ယုယ "
သူမ ခေါင်းကို ငုံ့ချလိုက်ခြင်းက ဝန်ခံရာရောက်နေလေသည်။
မသက်ထားနှင်ဲ့တွေ့ခဲ့သည့်ညက လွတ်မြောက်ခြင်းတစ်ခုကို သူမ ဝင်ရောက်လည်ပတ်ခဲ့မိသည်။ စိတ်၏ထွက်ပေါက်တစ်ခုအဖြစ် စီးမျှောရာသည် သူမကမ္ဘာတွင် စတင် ကြီးစိုးလာခဲ့ခြင်းပင်။ သူမ ဒီတစ်ပတ်အတွင်း တစ်ရက်နှစ်ရက်လောက် ငြိမ်သက်နေခဲ့သည်မှ လွှဲ၍ မသက်ထားဆီ ရောက်နေဖြစ်လေသည်။
မသက်က တားဆီးသည့်တိုင် သူမလဲပြိုကျတိုင်း ထိုအရာသည် သူမစိတ်တို့ ပြန်လည် ထူမတ်ရာတွင် တစ်စိတ်တစ်ပိုင်း ပါဝင်လာခြင်းဖြင့် အခုဆို သူမ မူးယစ်နွံထဲ ခြေလှမ်းမိလျက်သား ဖြစ်နေခဲ့လေပြီ။
Credit image
" ငါ စိတ်မကောင်းဘူး ယုယရယ်။ မင်းလို အညွှန့်တလူလူနဲ့ လူငယ်လေးတစ်ယောက်ကို ငါ ပိုးကိုက်စေခဲ့သလို ဖြစ်နေခဲ့ပြီ။ မင်းပြောခဲ့တာတွေ အတိုင်းဆို မင်း ပတ်ဝန်းကျင်မှာ မနေပါနဲ့တော့။ ငါ့ဆီ လိုက်နေမလား....ငါမင်းကို ယုံကြည်ပါတယ်။ မင်းလည်း ငါ့ကို ယုံကြည်တယ်ဆိုရင်ပေါ့"
သူမ မသက်မျက်ဝန်းတွေကို အံ့သြတကြီး ကြည့်ပစ်လိုက်မိသည်။အလိမ်အညာ အမူအယာ မပါသော စကားကို ဆိုခြင်းဖြစ်သည်ကို ဖော်ပြနေကြသည့် မျက်ဝန်းများ။ မသက်က ဘယ်လိုလူမျိုး ဖြစ်သလဲ တိတိကျကျ အဖြေထုတ်ဖို့ သူမ အသိဉာဏ်တို့ လုံလောက်မှုမရှိ။
သေချာခြင်းတစ်ခုသည် သူမ မသက်ကို ယုံကြည်နေမိခြင်းပင်..
ယတိပြတ်သော ဆုံးဖြတ်ချက်သည် ..
" ယုယ လိုက်ခဲ့မယ် မသက် "
" ကျွန်မလည်း သိပ်အံ့သြနေတာ..သူက လုံးဝ အဆက်အသွယ်ဖြတ်သွားခဲ့တာ သေချာတယ် ရှိုင်းရဲ့။ အဲ့ဒီနေ့က မနက်ခင်း တစ်ချိန်လုံး သူ ငိုင်နေခဲ့ပြီးမှ ကျွန်မ ဒီကို ပြန်ရောက်တော့ သူ့ပစ္စည်း ပစ္စယဆိုတာ ဘာမှမရှိတော့ဘူး။ ကျွန်မအတွက် နှုတ်ဆက်တဲ့စာတစ်စောင်က လွှဲရင် ဘာမှ ချန်မထားခဲ့ဘူး..သူသွားမယ့်နေရာ ဘယ်လိုအလုပ်အကိုင်မျိုးလုပ်မယ်ဆိုတာ ဘာဆိုဘာမှ ပြောမသွားခဲ့တာ ...."
" ဟား....."
ရှိုင်း ပင့်သက်မောကြီးကို ချပစ်လိုက်မိသည်။
" ယုယက သိပ်ကို ပြတ်သားလွန်းတယ်ဗျာ..."
တစ်ရက် နှစ်ရက်လေး မဟုတ် အချိန်တွေက တစ်လကျော်ကြာခဲ့လေပြီ။ ယုယအကြောင်း ကြားရဖို့ မပြောနှင့် အရိပ်အယောင်သတင်းလေးပင် မကြားရ..။
နဒီ့ကိုပေးခဲ့သည့် စာထဲတွင် စိတ်မပူဖို့ ရေးထားခဲ့သော်လည်း သူမ၏ ခြေရာဖျောက်ြခင်း အတတ်ပညာသည် ကျန်ခဲ့သူတို့ ရင်တွင် နက်ရှိုင်းစွာ ပူလောင်နေခဲ့ကြလေသည်။
" ကျွန်တော် ယုယကို အမြဲလေးစားနေခဲ့သူပါ..."
သူ စကားကို ထိုနေရာတွင်သာ ရပ်ထားလိုက်ပြီး ဆက်၍ ပြောသင့်မပြောသင့် ချင့်ချိန်နေပုံရလေသည်။
ပြီးမှ ဖြည်းလေးစွာဖြင့်ပင်
Credit image
" နောင်တစ်ချိန်တော့ ကျွန်တော်ဘာကြောင့် ယုယအပေါ် ဒီလောက် ကောင်းနေသလဲဆိုတာ သိလာရမှာပါဗျာ...အခုတော့ ကျွန်တော် ပြန်လိုက်အုံးမယ်။ မနဒီလည်း ယုယကို တတ်နိုင်သလောက်လေး ရှာပေးပါအုံးဗျာ..."
" စိတ်ချပါ ရှိုင်းရယ်..။ ယုယက ကျွန်မနဲ့အတူနေတဲ့ဆီကနေ ပျောက်သွားခဲ့တာပါ..တကယ်လို့များ သူ့ဆွေ သူ့မျိုးတွေက မေးလာခဲ့ရင်တောင် ကျွန်မက ပိုပြီး နေစရာမရှိဖြစ်နေမယ့်သူပါ။ စိတ်ချပါ ကျွန်မ အမြဲ စုံစမ်းနေမှာပါ.."
သူ ခေါင်းညိတ်ပြကာ နဒီတို့ အဆောင်မှ ထွက်လာခဲ့လိုက်လေသည်။
အဆောင်နှင့် ခပ်လှမ်းလှမ်းနေရာမှာ ရပ်ထားခဲ့သည့် ကားပေါ်သို့ ရောက်သည့်တိုင် သူ့စိတ်တို့ နှောက်ကျိရှုပ်ထွေးနေဆဲ....
ပေါ့ပါးစွာ ရယ်မောတတ်သော ထင်းရှင်းသည့် မျက်နှာ နုနုလေးထက်မှ ငြိုးရော်ရိပ်တို့ကို မြင်ယောင်ကြည့်လိုက်တော့ သူ့ရင်တွင်းမှာ နေအစင်းတစ်ရာစာ ထွန်းလင်းကြ၏..
ရှောင်ပုန်းသူက
တစ်သက်လုံးဟု
ရည်ညွှန်းသော်ငြား
လိုက်ရှာရသူ
ဒီလူ့ရင်မော ထိုစိတ်ဇောအား
အမည်နာမ တပ်ဖို့ကလည်း
ခက်နေဆဲ....
" သား သား ဘကြီးတို့ဆီ သွားလည်လိုက်အုံးလေ.."
ရှိုင်းတွေဝေနေမိသည်။
ပြီးတော့ သူ တိုးညှင်းသော လေသံဖြင့်
" မသွားတော့ဘူး အဖေရာ။ ဘကြီးနဲ့ ကြီးကြီးကို သတိရပေမယ့် ကျွန်တော် မတွေ့ချင်တဲ့သူတွေကို မတွေ့ချင် မမြင်ချင်ဘူး "
မချစ်မနှစ်သော သူနှင့် အတူပေါင်းသင်းနေထိုင်ရခြင်းသည်လည်း ဒုက္ခတစ်ခုဟု ဟောပြခဲ့သော မြတ်စွာဘုရားကို သူ ဦးခိုက်ခဲ့ဖူးလေသည်။ ထိုဒုက္ခမျိုးကို သူ ခံစားဖူးခြင်းကြောင့်ပင်။
သူ့စိတ်ထဲတွင် မတရားဟုမြင်လျှင် တရားခြင်းတွေဖက်ကရပ်တည်ပေးရမှ
လူတစ်ယောက်ကို လှောင်စရာဟု ထင်နေကြလျှင် ထိုလူသားအား တတ်နိုင်သမျှ ကယ်ထုတ်ပေးရမှ...
သေးသိမ်သော စိတ်ဓာတ်တို့ကို သူရွံသည်။ မုန်းသည်။
ထိုအမုန်းမျိုးထဲအတွက် သူ့အနီးအပါးမှ လူတစ်ယောက် ထိုသို့ရှိနေခဲ့မှန် သိလိုက်ရချိန်တွင်........
အပိုင်း ၇ သို့...
