လူတိုင်းလူတိုင်းမှာရွေးချယ်မှုဆိုတာ နေ့စဉ်လူနေမှုဘ၀မှာပါဝင်နေပြီးရှောင်လွှဲလို့မရတဲ့အရာတစ်ခုပါ။
ကျွန်မတို့တတွေ နေ့စဉ်နဲ့အမျှ ပြုလုပ်နေကြတဲ့ ရွေးချယ်မှုတွေမှာ မှန်ကန်တဲ့ရွေးချယ်မှုတွေရှိသလို မှားယွင်းသွားခဲ့လို့ ပြင်ဆင်မရတဲ့နောင်တတွေနဲ့ကျန်ရစ်ခဲ့ရတဲ့ ရွေးချယ်မှုတွေကလည်းတပုံတပင်ပါပဲ။
သံယောဇဉ်နဲ့ လုပ်သင့်တာဖြစ်သင့်တာကိုရွေးတဲ့အခါ သံယောဇဉ်ကအနိုင်ရတာရှိသလို ဒုတိယဖြစ်သွားရတတ်တာလည်းရှိပါတယ်။ ဆုံးရှုံးသွားရတဲ့ သံယောဇဉ်အစား ဖြစ်သင့်တာကိုရွေးချယ်ခဲ့လို့ မှန်ကန်သွားရတဲ့အပေါ်မှာအစားထိုးဖြေသိမ့်လိုက်ရတဲ့အခြေအနေတွေကလည်း ဒုနဲ့ဒေးပါပဲ။
နှလုံးသားနဲ့ ဦးနှောက် တပြိုင်တည်းလက်ခံပေးလို့မရတဲ့အခါတွေမှာလည်းရွေးချယ်မှုတွေနဲ့ပဲဆုံးဖြတ်ကြရပါတယ်။
ဦးနှောက်နဲ့ ကိုယ်ပိုင်အသိဥာဏ်နဲ့ ရွေးချယ်ပြီးဆုံးဖြတ်တာဟာ တစ်ရာမှာ ကိုးဆယ့်ကိုးရာခိုင်နှုန်းမှန်နိုင်ပေမယ့် ဦးနှောက်တစ်ခုတည်းနဲ့ဆုံးဖြတ်ခဲ့လို့ နောက်မှရတဲ့နောင်တဆိုတာတွေလည်း ဖြစ်လာနိုင်ပါသေးတယ်။
မိမိလတ်တလောဖြစ်ချင်တာလုပ်ချင်တာတွေနဲ့ အချိန်တစ်ခု ရွေးချယ်ဖို ယှဉ်လာခဲ့ရင်တော့ အချိန်ကာလကိုသာရွေးချယ်တာအကောင်းဆုံးဖြစ်မယ်ထင်ပါတယ်။ အချိန်မှာက ဒဏ်ရာဟောင်းတွေကိုကုသဖို့ရော ဒဏ်ရာအသစ်တွေထပ်မရအောင်ကာကွယ်ဖို့ရော လုံလောက်တဲ့ ဆေးစွမ်းသတ္တိတွေပါဝင်နေလို့ပါပဲ။
ဒီလိုပါပဲ ပျော်ရွှင်မှုနဲ့ အနာဂတ်ဘ၀ခရီး ယှဉ်တွဲလာခဲ့တဲ့အခါ အနာဂတ်အတွက်ရွေးချယ်နိုင်ဖို့ကိုပဲ ဆန္ဒပြုမိပါတယ်။
လူတစ်ယောက်အတွက်ပျော်ရွှင်ခြင်းဟာအရေးကြီးတာမှန်ပေမယ့် တစ်ခါတစ်လေမှာတော့ အဲဒီခဏတာပျော်ရွှင်မှုဟာ အနာဂတ်ဘ၀တိုးတက်ရေးအတွက် သိပ်ကိုထိခိုက်စေတတ်တဲ့သာဓကတွေလည်းအမြောက်အများတွေ့မြင်ခဲ့ဖူးပါတယ်။
မိမိရဲ့ အနာဂတ်ဘ၀ခရီးလှပမှသာ စစ်မှန်တဲ့ ပျော်ရွှင်ခြင်းတွေကလည်း သူ့အလိုလိုပြန်လည်ရောက်ရှိလာမှာအမှန်ပါပဲ။
ဒီအခါမှာ ဘာတွေကိုဘယ်လိုရွေးချယ်ကြမလဲလို့မေးရင် ကျွန်မကတော့ တစ်ခုပဲဖြေပေးချင်ပါတယ်။
နောင်တကင်းမယ့်ရွေးချယ်မှုမျိုးကိုသာရွေးချယ်ကြပါလို့။
လူ့ဘ၀မှာ ရွေးချယ်ရခက်ခဲလွန်းတဲ့ လမ်းဆုံလမ်းခွတွေခဏခဏ ရောက်ရှိကြုံတွေ့ရတတ်ပါတယ်။
ဒီအခါမှာ နှလုံးသားနဲ့ ဦးနှောက် မှန်ကန်စွာလွန်ဆွဲနိုင်မှသာ နောင်တကင်းကင်းနဲ့ သာယာချမ်းမြေ့တဲ့ဘ၀လေးတွေကိုရရှိပိုင်ဆိုင်ကြမှာဖြစ်ပါတယ်။
အားလုံးပဲကိုယ်စိတ်နှစ်ဖြာကျန်းမာချမ်းသာပြီး မှန်ကန်တဲ့လမ်းကြောင်းတွေကိုရွေးချယ်လျှောက်လှမ်းနိုင်ကြပါစေလို့ ဆန္ဒပြုဆုတောင်းရင်း ..........
