E get one man wen dey bear Tega. This man get junior brother wen dey follow am stay and also dey follow am tanda for im shop. This im younger brother dey always go school and na e senior bros dey train am. E senior bros, Tega no sabi English at all but e con get luck for business. E get many shops wen e dey control. E dey even travel abroad to buy goods. E hand really good for business.
One day, one punani con waka come e shop com buy something. E con be like say Tega like this punani. Tega con ask of this girl name with serious ogbonge English wen nobody go fit interpret. Her name na linder. This punani con see this man as a mugu wen she go fit dupe.
Although, she lie for Tega say she no get any boyfriend. But she get thief as boy friend. Linder con pack all her load as per say Tega don tell her to come e house to stay. Two months later, Linder con carry herself day like Tega brother but that one no won stain e hand because na e Senior bros wife to be. She dey try to make Tega younger brother fall but that one sharp die like cutlass.
One correct day, Tega brother con see linder and one guy dey smoke and they con even dey romance and e no stop there o, they con dey kiss dey join am. Tega brother con camera them two. But Tega no just gree wen he con see the video because say love dey catch am. All the money wen Tega carry give this linder,na e she con carry go give this her guy. She tell her guy make he dey keep the money say they go use all the money run go abroad. Tega don give linder reach #1.5m. Linder con dey steal Tega money join again. After she don steal, she go lie say na Tega brother thief the money. Tega no con fit trust his brother, but instead he pursue e younger brother from e house. The girl con take control of all the business wen Tega get.
Linder con reck Tega to nothing. E con reach wen linder won travel out. She go meet her guy but she con see say the door dey locked. She call her guy number but switched off. She no con sabi waiting she go do again. Unknowingly to her, the guy no even carry any money put for bank. The guy con later travel out.
Tega con later see Linder because say e eyes don clear, Tega con carry police arrest linder.
See who con be mumu? Linder thief money give thief wen con later thief the money.
THIS ONE NA THIEF THIEF THIEF OO
Thanks for reading