My county people I trowey ogbonge salute for unah o
How unah dey?
How unah take d hold body for this we change wey d touch everybody so?
So today nah another beautiful day and I know say plenty plenty better d wait for us today and we still d follow pray make market continue d show us green green light.
So d gist wey we carry come today wey we go rub mind together nah for entertainment matter.
Hmmmm my country people while some people dey here d bite teeth, d complain, d worry anyhow some people dey there d spend money anyhow like say tomorrow no dey.
Make I gist you!!!!
Ehen..... Chai nah so news break for internet say one of our musician wey Dem d call David buy motto for girl on her birthday and em call d motto wey him buy assurance.
Wetin scatter people head pass b say d motto nah 45 million naira em buy am.
chai there is God o.
Nah em d Tori come turn everywhere up side down with comment and reactions, people just d chook mouth anyhow,
Some say wetin him do no good
Some say money wey take miracle for bbn 85 days to get with sufferness nah em him carry give girl just like that.
Hmmm as I dey take so me myself I no fit shout.
Wetin pain me b say no be only once Dem d do am
Abeg I want make we turn steemit up side down with our own reaction too
How unah reason d matta and all this things wey our musicians d always do?
