Jesus waka come out from the small room wey him sleep inside the boat. He look him disciples face, shake him head. He face the sea, raise him hand, talk say:
“Storm he do you! Make I hear word."
Na like movie the thing be, everywhere silent one time. The storm stop, the whether change, everything come normal like say nothing happen. Fear come grip the disciples. He be like say dem see ghost.
Nathaniel no know when him say, "Who be this guy?" Even wind dey hear him voice!" The boat start again and dem begin go.
.....................
You sef fit dey ask, "Who be this guy? Who be Jesus?" Jesus na the Son of God. Na him be the saviour wey come deliver everyman comot from condemnation of sin. Na inside sin our mama born us. Na inside we grow. Na inside we for die, if to say Jesus no come die for us, take him blood wash away our sins. Na only Jesus be the guarantee of life for this life. Because of you Jesus come, make you for get eternal life. Just talk to am if you ready. Ask am make him forgive your sins, make him change your life. Just believe am for your heart. Na so e simple reach.
............