Denne gongen vil eg visa nokre bilete der ein kan sjå litt av fuglelivet i skjergarden på Bømlo.
Etter ein fisketur er det heilt vanleg å sløya fisken og kasta fiskeslo til måsen. Måse av ulik slag er ivrige og snappar slo etter kvart som det vert hive overbord. Stundom er dei så ivrige at dei sit på båtripa for å gripe sloa i det den vert kasta ut. Dei måseartane som er mest vanleg å sjå, er gråmåse og svartbak. I Sunnhordland brukar ein ôg namnet havmåse om svartbaken.
Ute på havet dominerer desse to artene. Men når me kjem inn i skjergsarden og nærare land, vert innslaget av småmåsen sterkare. Fiskemåsen eller småmåsen er svært lik gråmåsen. Det som er den viktigaste skilnad på desse to artane når det gjeld utsjånad, er storleiken.
Dette biletet viser måsen på jakt etter fiskeslo etter sløyinga. Her er det gråmåsen som kjempar om maten.
Her viser biletet både gråmåse og svartbak som flyg bakom båten.
