My ppl una well done ooo. I sidon one corner day hail unah o. Aunty 
For today topic I no too get plenty things to talk sha cause na me myself b the friendly enemy. since no b dat part u wan hear maka kukuma talk the one way person do me.
Before I enter school, this guy way I call my tight paddy almost wan scatter my school parol.
After I write jamb and post utme, admission list kon comot (merit list) my name no kon day am, so I kon decide to buy supplementary form so I fit apply again. Then I kon contact my main paddy na since I no fit begin travel ph from jos . He kon agree to buy am for me den do the necessary registration.
When he day run the whole online registration parol he kon put wrong jamb reg number for me kon print am. When he send me the copies I sharperly sharperly spot the error kon call am sharp sharp, he kon tell me say he Don resolve everything for dia say nothing like error Maka no worry.
Supplementary list kon komot my name no kon still day, I call am tell am again he say Maka chill still day wait. So I kon tell another person way day same school sha, The person kon go the school admission unit office go ask why somebori with better score like my own never get admission, Them kon give am the hardcopy admission list my name day dia but the reg number no correct. So the man kon say dem never publish my name unto say my reg number no correct. When he kon Cal me Tell me
I kon call dat my paddy day halla am y he lie gimme. Then he kon begin tell me say he no fit tell me say he mistake besides ::"you can always retake another jamb"
My mouth just fall from my head.
Human beings wicked sha.