Mk i take this time appreciate 
My own story de very simple and d thing be say dis my friend wer me and am de chop for the same plate come de steal money for our house.
This thing continue for a very long time and we de suspect the small pikin wer de stay with us for house.
Sometimes we go even accuse the girl and this guy no go say anything .Small remian we for don pursue d girl comot
But one day, as people de say" monkey go go market e no go return"
We been go evening church service wer suppose end very late, but this our house girl no folo us go.
So the service come end very early than normal and we come de come back.
As we reach , we just hear as mumsi call us say make we come see something, as we reach behold this my man with my mumsi handbag and her 10k.
As we come de ask am question na him him come tell us say na him Don de steal all d money wer don de lost since.
My people since that day cold catch me cos i no ever imagine say my friend go fit do that kind thing.
Mk we de careful of people wer we de waka with o cos some of them Na real wwahala.
Thank you.