What's your profession? And when you answer back "I'm a nurse" most people will say "hayahay kaayo ka maam no kay dakog sahod".
Wala ko kasabot ug magmahay ba ko nga gipili ko ning kursoha. Matud pa sa akong kuya, "imung trabaho mapuno gyud sa sakripisyo." Mao kana iya g tugon tong "Capping and Pinning Ceremony" namo.
Upat katuig kang sige ug banat ug buto sa eskwelahan, apilan pag toxic kaayo nga CI. Musagol pa sad mga minor subjects na murag Major major jud magkagidlay gyud ang itsura.
Tan-awa gud ang hulagway sa Student nurse sa una, magsakay ug jeep ga bitbit libro. Magstudy sa jeep bisan katugon kaayo. Magskwela unya saba ang OJT, oh diba? Ang eyebags winner kaayo siya.
Kani nga blog wa nako himua aron maka-offend. Gusto lang nako makahimamat mo unsa gayud ang kinabuhi gikan sa pagka Estudyanteng Nars paingon sa pagkarehistradong Nars.
Ug nasayod mo di lalim ang among trabaho. Di man sa nagyawyaw ko, gusto lang ko masayod mo nganong manghawa halos nurses diri sa Pilipinas.
▶️▶️ Niskwela mig upat katuig
Gikan sa entrance exam hasta gyud kapoya, nay mga eskwelahan nga taas gyud ug standard. Tong nag exam ko na uga gyud akong utok ug taman. Unya paghuman nimug kapasa ago ka pag panel interview. Makahuna na lang ka "unsa man pasudlon ba gyud ko aning skwelahana o dili?"
▶️▶️ Di sayon ang kurso
Pait gyud ning kursoha labi nag timingan kag toxic nga CI. Magkayamukat gyud imung agi. Sayo kaayo sa buntag quiz dayon. Unya ug malate ka? GG kaayo ka bes.😂😂
▶️▶️ Di lalim isabay ang minor subject sa major subjects
Kana bang kapoy na kaayo ka unya kailangan nimu mu acting pinahawd-hawd aron daku kag grado. Mamugas gyud ka dzai aron makapasa. Di gyud ni malimod pero bahala na basta mupasa buhaton gyud tanan.
▶️▶️ OJT Duty es beri kapoy
Tong panahon nako Thursday group man ko so among duty magsugod Thursday to Saturday. Kapoy gyud na sa una kay halos tanang procedure i-delegate gyud na sa Student Nurse aron makakat-on. Di man sa nag experiment mi, bago pa mi nagduty gibombard nami among mga CI pag ayo. Quizzes nagbaha, return demonstration nga unlimited ug lectures nga way puas. Kung naa mi sa ospital ginaguide lang mi sa among CI sa among ginabuhat.
▶️▶️ Naa gihapoy Mathematics uy
Nagnursing bitaw ko kay abi kog way math, na! Unya kay nay Algebra, Statistics ug Physics bes. Kamang dzai. Naa pay Drug Calculation diay. Na hegs aming beauty.😂 Icompute pa pila ka tulo sa dextrose kada minuto.
▶️▶️ Lisod ang subjects
Mapressure ko sa una kay kantsawan ko sa akong kuya ug gamay akong grado. Naningkamot intawon kog pasa anang Anatomy and Physiology, Microbiology ug Parasitology ug labi na ang Pharmacology. Mabuak gyud imung ulo sige absorb ug information.
▶️▶️ Frequent Return Demonstration
Mao lang gyud ning kursoha ga ultimo ang paghugas ug kamot, pag-prepara sa bed, unsaon pag silhig, pagligo sa pasyente, paghipos sa katag ug uban pa ang nagtudlo nako nga masamot kog ka OC (obsessive compulsive). Tanang procedure sa ospital amoa na gi demo sa among mga Clinical Instructors. Ug di mao mag repeat demo gyud mi. Oh diba? Memorize to the highest level gyud mi.
▶️▶️ Way night life
Sa una ingnan ko sa akoang mga classmates nga "kill joy" kay di man gyud ko muuban ug gimik. Sorry lang kaayo kay di man gud mi dato bah. Igo-igo lang gyud makalahutay ang budget sa akong ate paskwela nako. Mahadlok ko mugimik kay mu text man gani tong ga duty ko 3pm to 11pm nga "asa naka? Ug di ka maabot 12mn, sirad-an taka ug gate". Nyahaha. Ako gyud giingnan ang trisikad driver nga "kuya dalia ug sikad please kay masirad-an nako sa akong ate."😂
▶️▶️ Gasto gyud siya
Pastilan kursoha, kapila gyud ko mihilak. Abi gani nako di ko kahuman kay sige lang ug gasto. Palit libro gyud every now and then. May na lang nay mga bootan nga seniors pahiram gyud books. Nabuhi lang ko hiram books, kay maulaw ko sa akong ate mangayo ug kwarta.
▶️▶️ Board Exam
Hunaa gud kapoy kaayo upat katuig unya di man mahuman imu kalbaryo ug di ka mag take Board Exam kay mao na ang highlight sa imung propesyon. Nag review ko six months bes and at the same time ga tutot ko ug grade school students aron di ko mangayo kwarta sa akong parents ug magulang. Oh diba? Ang review 8am to 5pm then 6pm dagan na sad ko to meet my tutee.😂
▶️▶️ Lami ang feeling kapasa Board Exam
Sige jud kog pangaji sa una kay St. Jude nga unta makapasa. Bahala uroy di top basta kay pasa. Sa kakulba mag take nako exam sa una nag Board Exam ko nga gikalintura.😂 Nag-ampo ko nga di ko magkalibanga pero gihilanat man hinoon. Imagina akong tutee pa una nag ingon sa akoa "teacher pumasa ka sa Board sabi ni Mommy". Nakuyawan ko kay nabusy na kog tutor unya nakahinomdom ako tutee nipasar diay ko sa Board Exam. Nag ambak ambak gyud ko sa kalipay.
▶️▶️ Oath taking feels
Paghuman nimu kapasa, manunpa man diay ka ana nga naapil ka na sa "Rooster" sa Registered Nurses. Mao gyud na ang best feeling ever
▶️▶️ Lisod mangita ug trabaho
Kahinumdom ko daghan kaayo kog resume gi print unya gipasa sa mga ospital. Gamay lang kaayo gahatag feedback, kay gusto nila nay experience ang dawaton. Hala! Mangapply diay ko maam aron naa ko experience diba? Pait gyud kahimtang kay ug wa kay backer magtinga gyud kag paabot. Naabot intawon kog Gensan ug pangaply. Paita.
▶️▶️ Gamay ang sahod
Niagi ko pagkavolunteer Nurse sa una sulod sa tulo ka bulan. Antosan gyud kay gusto man madawat sa usa ka institusyon. Ug madawat ka man ekspektado sa pribado nga ospital gamay gyud ug sahod. Nasinati intawon nako ang kapait nga gamay na gani imung sahod ma delay pa gyud. Mao na paghuman makaexperience ug pila ka tuig muabroad gyud kasagaran kay pareha lang kahago unya mas taas ang sahod. Kung sakto lang unta ang pagtagad sa mga Nars ug sahod di naman unta manghawa.
▶️▶️Way benefits
Ug ikaw usa ka contractual, wa gyud kay maimo kundi ang sahod lang nga naa sa kontrata. Ug ikaw magkasakit kailangan pa gyud nimu mubangon unya muadto sa inyong ospital ra aron pa check-up saka pa makakuha ug sick leave. Ug maregular ka paabot gyud ka pila ka tuig.
▶️▶️ Taas kaayo ang nurse-patient ratio
Di gyud mi malimod kay sa panahon karon daghan kaayo Rehistrado pero wa gyud nagtrabaho isip usa ka Nars kay hago kaayo. Kanang gusto na kaayo nimu tungaon imung lawas kay daghan kaayo pasyente atimanon. Imbes muhilak ka sa kakapoy di na lang kay daghan pa kag buhaton. Mao na ang uban imbes na mag hospital experience pilion na lang mu-give up or mubalhin ug laing field susama sa "Company Nurse" kay medyo gaan ang workload ikumpara nimu sa ospital based na sitwasyon. Masayo gyud kag katigulang. hahay
Busa kung muingon ka hayahay among kinabuhi. Basaha nya usab ni nga mulo nako. Di gyud lalim ang kinabuhi sa Nars. Lami lang paminawon kay taas ang sahod sa ubang nasod pero maski kami mismo wa gyud miangay nga ani ang sitwasyon. Mas gusto namo magpuyo ngari sa Pinas pero mahitungod sa gamay ug sahod mas manarbaho noon sa gawas aron dunay maikadalit sa mga ginikanan.