Tied vastgriepn in beeld
Noeit zulfde as dou 't non was
Vervoagd mit ekse sekonde
Tied goit as wotter
Glid deur de vingers
Verdampt in de zun
Mitdroagn wordn erinnerns
Noadenkn verdut tied
Gevuil bonst in 't haart
In de vrumste momentn
Oin beeld, oin geluud, oin geur
Eemn liekt alles weer dou
Ast eerder duuster wot
Koale nachtn laanger duurn
Geft keerze waarmte en licht
Beweegn healpt te verwaarkn
Doun is menaair veur wieder goan
Onderweegns loifde deurgeemn
Ealk oin oign pad zulf leagt
Wat leert wui, wat is geemn
Hoop zulf wat moeis noa te loatn
Op doagn goan weegn zielings soamn
Aandere doagn kruuzn ze mekoar
En op oin dag goan ze oet mekander
De oarde draait stilaan deur
Gekte van aaldag dundert ooveral
Binn reert de stilte van oin tied
dei noeit weer weedn zal.
