Ang aking isusulat ngayon ay hango sa tunay na buhay. Hindi ito kathang-isip lamang. Ito'y tungkol sa mga alaala ko noong ako'y bata pa na gustong gusto kong balik balikan. Huwag na lang sana sino sino kasi ayaw ko na silang balikan, tapos ang boxing. Ano ano nga ba? Ang unang unang pumapasok sa isip ko ay siyempre iyong mga bayarin kagaya ng; kuryente, tubig, at siyempre mga pagkain. Noong ako'y bata pa hindi ako ang nag-babayad ng mga bayarin sa bahay, hindi kagaya ngayon ako lahat. Ganito siguro talaga kapag nakabukod ka ng bahay at independiyente tao siyempre. Ang sarap balikan hindi ba? Ano kaya ang pakiramdam ng mga taong hindi sila ang nag-babayad ng mga bayarin nila? Siguro hindi sila isip nang isip kung saan sila kukuha ng pera na ibabayad nila bagkus ay tinatawanan lamang nila ang mga pangyayari na dumadaan sa kani kanilang mga buhay.

Sobrang daming mga alaala talaga ang gusto kong balikan lalu na pagdating sa mga sinaunang mga laro o pambatang laro o kung ano man ang gusto ninyong itawag. Ang masasabi kong pinaka paborito ko ay; ang larong Moro-Moro, ewan ko lang kung alam niyo iyong laro na iyon. Simple lang ang pag-laro ng Moro-Moro. Una ay hahatiin niyo ang mga kasaling bata sa dalawang pangkat, at kapag nahati na sa dalawang pangkat ay mag-hanap na ng lugar na gagawing base. Napaka importante na mabantayan ang kani kaniyang mga bases, sapagkat kapag nahawakan ito o nayapakan ay puntos na tumataginting sa nakayapak o nakahawak na grupo. Ganiyan lang po ka simple. Nga pala kung ikaw ay naunang umalis sa base niyo, ika'y walang karapatang manghabol dahil sa ikaw ang naunang umalis ay ikaw ang hahabulin. Halimbawa: Si Toto ang unang tumakbo papalayo sa base nila, si Jun-Jun naman sa kabilang base ang umalis. Hindi puwedeng si Toto ang humabol kay Jun-Jun sapagkat si Toto ang unang umalis sa base nila hindi si Jun-Jun. Ngayon kung aksidente namang nahawakan ni Toto si Jun-Jun o aksidenteng nagkadikitan, isa lang ang suma total niyan, bihag na si Toto. Ganoon din kapag nataya ni Jun-Jun si Toto ay antimano bihag na agad. Siyempre hindi puwedeng isahan lang ang labanan kailangan higit sa isahan ang labanan. Sabihin na natin na nabihag na si Toto, e 'di si Nene na lang mag-isa sa base nila. Puwedeng gawin nila Jun-Jun at Ling-Ling na lusubin na ang base nila Toto. Mahihirapan na siyempre si Nene depensahan iyon sapagkat mag-isa na lamang siya. Ipagpalagay na nating maramihan ang labanan mga 5 vs 5. E 'di nabihag na nga si Toto no? Maaari din siyang iligtas sa pamamagitan nang pag-hawak sa kaniya. Paramihan lang ito ng puntos, kung sino mas maraming puntos ay siyang panalo. Higit sa lahat huwag makikipagbabag. Huwag niyo kami tularan, kasi kapag nasaktan kami gaganti na agad. Ayaw ko na sanang balikan iyon kasi hindi maganda sa paningin kasi pagmamalabis iyon, pero iyon kasi ang totoo. Masaya hindi ba? Ganiyan kami noong bata pa. Awa ng diyos hindi naman araw araw ang babag. Ang nakakatuwa pa siyempre iyong mga matataba naming mga kaibigan, sila iyong mga nag-babantay sa mga kani kaniyang mga base. Sa kadahilanan na hindi sila makatakbo nang mabilis. Tuwing hapon nilalaro namin iyan, kahit medyo mainit pa. Hindi namin kasi malaro iyan kapag tag-ulan na. Kayo ba nilaro niyo ba iyan noong mga bata pa kayo? Malamang sa hindi haha.

O ito pa mga magagandang laro.Siyato o Chato, Harangan Daga o Patintero, Tumbang Preso, Piko, Text, Holen, Pogs at Jack-Stone. Hindi ko na masiyadong ipapaliwanag iyan alam ko na alam niyo na iyan. Hindi talaga maiiwasan noong bata pa na makipagbabag, kasi halatang halata naman na nandadaya sila e. Jack Stone nilalaro ko lang iyan kapag gusto ko magma-magaling sa babaeng hinahangaan ko. Bagamat hindi ako sanay, talagang nagsumikap ako nang husto para magpasikat lang sa babaeng hinahangaan ko. Hindi naman nag-tagal ay gumaling din ako. Ang dami ko na alam ngang alam e. Kagaya ng exhibition na tinatawag. Around The World, SafeGuard, Kuweba at Kamatis. Iyan lang ang mga natatandaan ko. Chinese Garter at 10-20 hindi ko talaga nilalaro iyan. Bukod sa pambabaeng pambabae, pakiramdam ko tinatapakan ang pagkalalaki ko at saka kabawasan sa pagkalalaki ko. Ang masaya diyan kapag nag te 10-20 mga babae sa iskuwelahan, siyempre mga naka palda lang sila at alam niyo na. Balikan din natin mga alaala sa iskuwelahan natin na gusto ulit natin gawin. Mawawala ba iyong pagliban sa oras ng pasok? Siyempre hindi. Andiyan iyong magkakayayaan kayo maligo sa swimming pool, mag-tungo sa mga malalaking malls at siyempre tumambay sa bahay kapag wala ang mga magulang at manonood ng betamax huwag niyo na lang alamin kung ano ano pinapanood namin. Talagang grabe ang sarap balikan noong H.S days. Mawawala ba naman ang mga taong sipsip sa iskuwelahan? Siyempre hindi. Lista nang lisya kung sino ang mga magugulo kung sino sino mga nakatayo at higit sa lahat maingay. Siyempre ang matagal ko ng hindi nagagawa. Ang pagkanta ng Lupang Hinirang sa gitna ng mga tao at tumula ng Panatang Makabayan. Field Trip pa isa, baka kapag may anak na akong buhay makapag field trip ulit ako. Kailan ko kaya ito magagawang muli?

Alam niyo ba iyong tsitsirya na Pritos Ring? Siyempre hindi talaga mawawala ang kapilyohan natin noon bata pa tayo. Ganito ginagawa namin sa Pritos Ring noong bata pa kami. Bilog kasi ang Pritos Ring ngayon nilalagay namin sa daliri namin iyan, ginagawang sing-sing kung baga. Tapos saka namin kakainin o 'di ba saan ka pa? Batang 90's lang ang nakaka alam nito. Mga tsitsirya pa dati na masasarap na ngayon ay wala na. Gusto ko ulit makakain ng mga tsitsirya dati gaya ng; Snaku (pula at berde) nakakakita pa rin naman ako nang berderng Snaku kaya nga lang sobrang dalang na talaga. Rin-Bee, Pee Wee, Chiz Curls, OIshi, Kirei at Richie iyan ang mga tsitsirya na mayroon pa rin hanggang ngayon.Mga tig pipiso na wala na ngayon ang dami niyan at saka mga kendi. Ang sarap balikan ng ating pagkabata.

Ang daming masarap na inumin noong bata pa at saka noong medyo malaki laki na. Kagaya na lang ng; Fanta (iba't ibang uri), at Magnolia Chocolait iyong nasa plastik. Madami pa talagang masarap na inumin dati hindi ko lang matandaan mga tatak ng mga iyon.

Sa gabi kasi hindi kami pinapayagan at saka walang kwento kasi dampot ka lang nang dampot, mga naka gawa na kasi sila ng bahay nila. Ngayon hindi ko na kaya mag-lakad nang malayo dahil sa resistensiya ko ay mahina na. Puwede pa rin naman kaso pahinto hinto. Ngayon kapag naka huli na at napuno pa iyong posporo laban agad kami ng mga kaibigan ko. Mali pala iyong ginagawa namin dapat pala ginugutom muna mga gagamba para tumapang. Iba kapag manok. Manok hindi puwedeng hindi pakainin. Minsan pa dumadayo pa ako sa Poblacion, Meycauayan para lang makipaglaban ng gagamba. Doon ko din binili iyong kaha ko ng gagamba, kamagong siya kaya may kamahalan. Mantakin mo? Grabe sobrang nakaka-aliw talaga dati, hindi kagaya ngayon.