BEK BANTAH ULAMA

Meu krue seumangat rahmat tuhan brie
Nanggroe that leupie ujeun ka teuka
Meunuroet adat bak ta eu dali
Sang-sang lagee hi keuneuk bencana

Haba lam nanggroe karue han sakrie
Fitnah yang keji macam troek teuka
Selama pemimpin Bapak Irwandi
Nyoe goeh terjadi lagee yang kana

Syariat islam perintah rabbi
Bek ta tuka kri lagee heut hamba
Dengan ulama ta konsultasi
Mita solusi pu buet yang beuna

Hukom cambuk memang na dali
Ci neu yue tafsir nibak ulama
Bek na rencana jak puta putie
Meu lawan rabbi yoe keu eropa

Lon deungoe haba jinoe laen krie
Keudeh bak LP di cambuk teuma
Rakyat ka beungeh demo Irwandi
Peusapat santri demo umara

Uroe jeh jameun aceh nyoe maju
Nama meuceuhu man saboh donya
Koen ngoen investor Aceh nyoe makmu
Tapi na teungku alim ulama

Bek that ta surak meuhan setuju
Meu bek ta karu meuhan ta suka
Bek tajak lawan ngoen teungku-teungku
Meunyoe ka karu hana le guna

Lake peu nutoeh bak Abu-abu
Lake setuju nibak ulama
Meunyoe ureung nyan ka geu setuju
Hana le karu aman leumpah na

Nyoe keuh sipatah kata lon rawi
Bak laen kali lon sambong teuma
Meunyoe Hive account@sogata geutem peurati
Lon tuan rawi panyang lagoina.

Wassalam
Hive account@hasanuddin