Keupu dak na nyeeh tameh han teupheut
Tatak han le luet nyan sikin baja
Ka gadoh guna dak mata sadeup
Naleung han teulheup si suntok masa
Keupu dak rumeh mameh asoe pruet
Meunyoe tan neu beut hudep lam donya
Seulimboet badan kadang meu yuet-yuet
Boh pha meu dheut dheut sabe teubuka
Ingat hai dara haba yang loen suet
Beuna i'tikeut hudep lam donya
Aurat di gata koen ubei paleut
Ciet hansep ngoen bleut tatoep anggota
Beugoet that tasoem taproem bek reukeut
Raya ngoen ubeut bek ek goep tanda
Bungkoeh beu geuhoen taroen beu teucuet
Bek ek goep jak seut nyan umoeng gata
Bek that ta takoet trep lagoet bacuet
Can meu keuraleup nyan asoe guha
Karna boh lam oen apoen goep tiyeup
Ureung yang meuheut meuphoem agama
Meunyoe yang basi deungoen peunyeukuet
Teuntei yang meuheut nyang keuh meuruwa
Laen nibak nyan bubrang yang tiyeup
Tamah keuraleup yang galak cuca
Ta pakek bajei ulei beu taruet
Ruhueng pusat pruet bek deuh uluwa
Barang meunalei bek meu bei daweut
Nyan hanjeut keubuet raya that dosa
Kulah bek meuri ie jieh bek meuduep
Tingkat bek meu treut o'h goep keunira
Gunoeng bek meuhi gaki bek teusuet
Puloem peurincuet tasuet u luwa
Nyan keuh seubab nyan intan tajak beut
Muka ngoen paleut tatoep beurata
Nak goet taturi putie ngoen juruet
Jahe ngoen jeuheut mupat keuh beda
Budaya kafe sare ta nyeut nyeut
Meunan adak jeut bek ta peuguna
Tacok neu ngui droe taba ho yang jeut
Allahul makbud teuntei geuridha
Nyan keuh penesan lam karang bacuet
Ngoen jaroe tiruet keunoe uloen ba
Pat pat na salah surah uloen suet
Mubek keuh neuseup deungoen seurapa
Maklum hai adoe loen pieh goloem jeut
Paneuk that neu beut yoeh masa muda
Puloem tapeugah surah kawen peut
Meu do'a qunuet goeh loem sempurna
