Cangguek peh canang wate ujeun toh
Ka di meuratoh tang teng cheng kuwa
Di poda Bruek-bruek sijuek ka seungkoh
Ujeun Ka jitoh teuka ie raya
Anyot dum umpung mehmoh dum tikoh
Trok bak ma puyoh sosah lumpah na
Ticem beurijuek Gabuek meuratoh
Bruek-bruek that gadoh di kuwa-kuwa
Di teuka gumpa gunong beureutoh
Ma lumo ditoh Aneuk na dua
Lumo dalam weue kubeue lam lampoh
Tiep uroe gadoh naleung ta peuna
Sinan Ulee Gle gampong drien tujoh
Mesjid Ulim baroh di singkat Mulba
Keude Meureudu rame dum kiroh
Panton lon reuboh meu cawo punca
Panton keu gura haba pih tan rhoh
Hom meuka lon croh walau tan makna
Hana tujuan lon jak meuratoh
Nyang peunteng bang beuh tanyoe gembira
Hana le ujeun ka pirang piyoh
Hana le kiroh aman ka teuka
Hana le bude ka dikoh putoh
Jinoe hai bang beuh prang pih ka reuda
Meuna ta mita na peu ta pajoh
Nyang peunteng boh soh bekle tarasa
Walau dum di kuet pasoe lam bongkoh
Do'a neu peutroh lake bek lupa.vg
Kuet Peng rakyat meuhat di pajoh
Tuboh beu rapoh beu bagah buta
Pike keu untong droe asai troe sungkoh
Nyan keuh ban bang beuh akai manusia
Follow me 
Hive account@mur
