Rakan Meutuwah
Salam'alaikum bandum sahabat.
Timu ngon barat tuha ngon muda.
Lon tuleh rijang neubaca siat.
Hana meularat mangat that makna..
Lon na sahabat lagak that rupa.
Inông ngen agam ceudah lagoina.
Sifeut mulia mameh suara.
Rakan meutuwah katroh ban pinta..
Takoh bak jati, tarah keu bapeuen.
Ta adèe bak leuen, dengon si nona.
Wahé sahabat, rakan lôn jameuen.
Kajeuet peureumeun, bak buet nyang beuna..
Cinta lon tanom keu bandum rakan.
Dak jeut bek leukang rindu lam dada.
Do'a keu rakan bagah na bisan.
Ikot lon tuan nikah beu sigraa..
Syukur keu nikmat Rahmat bak Tuhan.
Geutanyoe Insan hudép bahgia
Kasep ban ôh noé haba kiréman.
Saleuem keu rakan tuha ngên muda..
