Tajak u pasai ta bloe ungkoet
Leuh nyan meusangkot bak keude kupi
Beudoeh di sinan karap habeh seupot
Karap gadoeh ungkot dipeuplueng le miee
Miee pih that caroeng bak luem ungkoet
Di preeh neuk reuboet oh ka deuh sepi
Meunan ban dalee di Apa Dawood
Langsoeng di suroet ungkoet di sunti
Meunan keuh cerita dunia ta penturoet
Saboeh ta ikoet laen pih ka lari
Adak pih teliti dan goet ta uroet
Nyang ta tuntoet chiet ka deueh dali
Bek Keuh lagee buw droep daruet
Saboh ka ta droep laen ka ta cari
Nyoe gohlom na rezeki laen ka ta jeuruet
Oh ka saket pruet baroe peugah ka meurie
Ta coek dile peu nyang ka geujoek
Ohleuh nyan ta peusoek u beuna meurie
Meunyoe na kureueng kajeut keu penunjoek
Baroe ta lanjoet laen ta tamah carie
Nyoe pantoen peugot oh watee rudoek
Oh watee suntoek lam lampoh capli
Bek neu caci-caci bek neu antoek-antoek
Bak lon peu sok-sok kata-kata peu hibur diri
