ရွေးချယ်ပိုင်းခွင့်တွေ ကိုယ်စီရှိသည်။ ကျွန်မတို့ရဲ့ ရွေးချယ်ပိုင်ခွင့်တွေသည်လည်း ကျွန်မတို့လက်ထဲတွင်ပင် ရှိသည်။ သူခိုး၊ ဓားပြဖြစ်နိုင်သည့်လမ်းကို ရွေးမလား၊ ရွေးနိုင်သည်။ အဓိကကတော့ လမ်းကြောင်းမှန်ရွေးချယ်နိုင်ဖို့သာ လိုပါသည်။ မြတ်စွာဘုရား လက်ထက်တွင် အဇာတသတ်မင်းသားသည် ရွေးချယ်မှုလွဲ၍ ဒေ၀ဒတ်နှင့်အပေါင်းမှားပြီး အဖေကိုသတ်သည့် အကျိုးဆက်များ ဖြစ်ပေါ်ခဲ့သည်။ ရွေးချယ်သည့် အယူဝါဒလွဲမှားမှုကြောင့် သည်ဘ၀တွင်သာမက နောင်ဘ၀ အဆက်ဆက် အပယ်သို့လားခဲ့မည်မှာ တွေးကြည့်ပါက အလွန်ကြောက်စရာကောင်းလှပါသည်။လူတစ်ယောက်အား လွတ်လပ်စွာ ရွေးချယ်ပိုင်ခွင့်ပေးသင့်သည်။ အောင်မြင်မှုဆိုသည် ကာယကံရှင်၏ ရွေးချယ်မှုအပေါ် ကြိုးစားအားထုတ်မှုရှိပါက မလွဲမသွေရနိုင်သော အရာဖြစ်သည်ဟု ယုံကြည်လာမည်သာဖြစ်သည်။ ဘ၀အောင်မြင်မှုအတွက် ကာယကံရှင်ကသာ အဆုံးအဖြတ်ပေးနိုင်ပေသည်။ ဥပမာ ကျွန်မသည် ကိုယ်သွားချင်သောလမ်း၊ လျှောက်ချင်သောနေရာကို ကိုယ်ပိုင်ဆုံးဖြတ်ချက်နဲ့ မရောက်ရောက်အောင် သွားနေသော လူသားတစ်ယောက်သာ ဖြစ်ပါသည်။ လမ်းခရီးဘယ်လောက်ပင် ကြမ်းတမ်းပါစေ တစ်နေ့ဖြစ်ရမည်ဆိုသည့် အသိစိတ်ကို နှလုံးမူပြီးဘယ်သူတွေဘာတွေပြောပြော ပြုံးမပျက်ပဲ ရှေ့ဆက်လျှောက်လှမ်းနေဆဲဖြစ်သည်။ ဖြစ်ချင်သည့်ဆန္ဒ ဖြစ်လာမည့် အနာဂတ် ရည်ရွယ်မျှော်မှန်းရင်း ကိုယ်တိုင်ရွေးချယ်ခဲ့သည့် လမ်းအတွက်အရင်ဆုံး ခံစားရသည်ကတော့ စိတ်ချမ်းသာမှုပင် ဖြစ်ပါသည်။ သူများ ဒါလုပ်လို့ လိုက်လုပ်တာထက် ကိုယ်တိုင်စိတ်ဝင်စားမှုနဲ့ ကိုယ်တိုင်ဆုံးဖြတ်ချက် တကျဖို့အလွန်ပင်အရေးကြီးပါသည်။
