最近旅行潮，人人都飛嚟飛去，但一離開香港耐左，總係會想心思思想食返港式嘢。如果你都有鋪港式常餐癮，耐唔耐都要飲返杯奶茶嘅，但又想有啲新意，不妨試下依間無論餐廳環境定食物質素，都勁有心思嘅龍門冰室？
餐廳裝修十分型格，以黑白色為主調，黑天花黑牆面，白光燈膽白檯面，幾樣嘢互相襯托起嚟，簡簡單單又不失型格，仲帶種時尚感，同以往去開嘅冰室截然不同。
而唔同分店都有特色Avengers 裝潢，Avengers 擁躉實在必去！就算你係仲未分到角色邊個打邊個嘅可愛女友，都不妨考慮帶男朋友仔嚟食，等佢開心下！
唔好以為餐廳裝修打到卡就代表食物無心思呀，龍門冰室提供嘅3.6特濃牛乳芝士玉子燒常餐超吸引，湯麵有足足10種選擇，除左有常見種類，如沙嗲牛肉公仔麵同雪菜肉絲米粉外，仲有較少見嘅選擇，如炸醬豬頸肉米線！
講起常餐至常見嘅雪菜肉絲米粉，多數都係經醃製過超高鈉雪菜，但龍門冰室嘅雪菜肉絲米粉就用左秘製新鮮雪菜，雪菜唔單止保持翠綠，仲仍然爽脆，唔會太鹹，好味又健康！
ReUbird 提供到會服務同埋 Party Room 預約服務，歡迎去網站睇更多！
可以睇更多：
http://reubird.hk