Assalamualaikom wahe e kaom
Jawueb saluem lon tanda mulia
Lon istimewa ku urueng aceh
Yang jithe lubeh di asia tenggara
Bacut na haba didalam panton
Ka ulon suson dalam calitra
Hudep hai rakan inhat keu rabbon
Mate teu rihon han mujan masa
Takeurija mumacam bagoe
Ta mulaloe mumacam rupa
Umu mutamah tuha tan meupakoe
Mate gutanyoe nyan baro tarasa
Mubek talale bak bilueng nanggroe
Meubek ta laloe bak pu let bola
Mubek taharok piasan bumoe
Mubek tagilhoe hak rakyat biasa
Mandum teuh abeh gupeh oh dudoe
Wate gutanyou dinanggroe baqa
Mari gutanyoe taputimang droe
Mubek keu rugoe umu yang kana
