Higpitan ang Hawak
Lahat ay karugtong ng Panginoon
Kanyang kadakilaan ay pinagsaluhan
Sapagkat ikaw at ako ay bahagi
Kawangis ay luwalhati
Siya ang puno, tayo ay ang sanga
Kung sa tuwina siya ang kasama
Tiyak tayo ay hitik ang bunga
Ang buhay ay sa Kanya nagsimula
Higpitan ang hawak sa kamay
Upang sa Kanya’y hindi mawalay
Pag-ibig ang tanging magbubuklod
Sa pagkakasala katumbas ay pagluhod
Ngunit bakit ba bumitaw sa kapit?
Kay hirap tanggapin ang sakit
Dulot ng pagtalikod at paglisan
Sa paraisong naging tahanan
Ang pagbalik ay sana’y maisipan
Naghihintay lang ang kanlungan
Tanging Siya lang ang kailangan
Sa buhay natin kailanman
