Niabot nasad ang panahon kanus-a ang matag magtutudlo sa Mandaue City Division, mupahigayon ug medical test aron sutaon kung sila ba anaa sa maayong kahimtang. Kining tinuig nga Medical Test magsiguro sa kahimtang sa atong mga magtutudlo human sa ilang tibuok tuig nga pagpanudlo sa mga kabataan aron mahibaloan kung anaa ba kini sa maayong panglawas sa dili pa magsugod ang bag-ong tuig sa klase.
Maayo kini nga lakang alang sa mga magtutudlo aron adunay kasigurohan sa ilang physical nga kahimtang.
Maayo usab nga lakang ang pag-tie up sa mga Laboratories sama sa Hi-Precision aron usab makaminus-minus sa gasto ang mga magtutudlo.
Ang Hi-Precision nahimutang duol sa KFC sa dili pa ka maabot sa Fly-over sa Mandaue. Organisado ug adunay systema ang ikang pagpahigayon sa Laboratory og apil napud ang pagbayad.
Inamaw nga Guide sa Magkuha ug Urinalysis og X-Ray sa Hi-Precision
Maabi-abihon nga Gwardya
Inig sulod nimo, usa ka buutan og maabi-abihon nga gwardiya ang imong masugatan. Iya kang hatagan ug priority number ug papel nga angay nimong fill-upan. Imong sulatan sa imong impormaayon ang papel ug checkan ang mga
Lingkod Lingkod Sa
Samtang naghuwat ka sa imong numero nga matawag, lingkod lingkod sa. Dili man ka mahasol kay pwede ka mag headset, magduwa gamit imong phone, mutan-aw sa tv, magpicture2x ug uban pa. Daghan jud gud ug taw sa Hi-Precision, pero ayaw kabala kay dili ka ma-high blood kay air-conditioned man ug aduna may water dispenser sa kilid.
Ikaduhang Priority Number
Tawagon ang imong number. Of course, moduol ka sa nagtawag nimo. Imong ihatag ang imong gi-fill upan ug ihatag pud nimo imong ID aron ka mahatagan ug discount. Tagaan ka nilang ikaduhang number para sa pagbayad sa cashier. So, yes! Maghuwat nasad ka. Lain sad kaayog unya rang bayad... Walay uso ang utang dinhi oi.
Cashier Na Sad
Magtan-aw kas monitor diin gi-flash ang imong number ug tan-awon sad nimo ang number sa imong cashier kay upat man ang counter ngadto. So, dali ra jud... Dali rajud makolekta imong bayad... 😁.. Ig adto nimos cashier, ihatag nasad to nimo imong papel, imong ikaduhang priority number, ID ug imong bayad kay mao nay importante nila. Dayon, pasmilon ka ug patan-awon sa camera kay naay dagway nimo imong laboratory results oi... Na inspire ra pud kog smile kay gwapa man si inday.
Balik sa Information
Inig human nimog bayad, moadto kas information kay naa ngadto ang sudlanan sa ihi. Maminaw kas instruction sa staff/nurse ngadto.
Nurse: Sir, dinhi nimo isawd imong ihi. Kutob lang dinhi sa line indicator. Mas nindot kung sa mid-flow na sa imong ihi imong isawd. Unya, ibutang nimo ang ihi dinha kilid sa counter four, inig human nimog butang sa oras. Dayon, maghuwat ka nga tawgon dinha dapit sa imaging section para sa imong xray.
Taas kaayo na iyang gisulti ha. Ako jud ng gisag-ulo para ka makahibalo.... So, kuhaa ang sudlanan sa ihi ug buhata ang iyang mga gimandar sa imoha.
Swisssssssss (Ihi Time)
Sulod ka ngadto sa ilang CR. Tan-awa asa ka musulod sa Male ba or Female. Di ko kabaw unsaon na sa mga babaye kay laki man ko. Sayon ra sad jud kaayo sa amo ang pagsawd sa among ihi. Swerteha nako oi. Bitaw, sunda lang ang sugo ni inday nga midflow ug kutob ra sa line indicator. Ayaw lang sad pun-a ang sudlanan kay dili na pineapple juice imong ihi.
Clear jud kaayo kog ihi kay hinginom man kog tubig.
Dayon, inig human nimog ihi. Ibalik ug sul-ob sad ang imong gisul-ob. Timan-e daghan kaayo taw ngadto. Lain sad kaayog mogawas ka nga nakita na nila imong gitagoan. Uwaw gani kaayo ig gawas kay sos kinsa man tawn ang maghasulhasul natog sawd anang atong ihi... Kini ra jud sila.
Dayon, buhata dayon to ang gisulti nga ibutang imong ihi didto kilid sa counter 4 inig butang nimog oras.
XRay na Dayon
Lingkod napud ka aron maghuwat para sa imong Xray. Tan-awa sa imong facebook para dili ka ma bored ug huwat, pero dali ra man jud ang laboratory procedures so okay ra.
Inig tawag sa imong ngan, sul-nga dayon.... Mangutana siya sa imong kumpletong ngalan, birthday, ug edad para pag verify ra sa imong data. Human, naa siyay pangutana bahin sa imong gipamati sa lawas sama sa:
Nurse: Giubo ka? Nagtumar kag mga tambal? Nagsakit imong ulo, likod ug kasingkasing?
Tubagag uu kay gibuwagan ka!
Human ana kay papirmahon ka sa digital pen. Imo pud isuwat ang imong kumpleto nga ngalan jud. Inig human, maghuwat kag kadiyot para sa manininiyot (mo xray) . Lingkod nasad ka.
Inig tawag napud sa imong ngan, musulod ka sa imaging room. Dili ka pwede mag picture2x didto. Ug kaliton lang kag ingon...
Nurse: Paghubo
Kaanindot ani oi... Giingnan ko ni inday nga maghubo. Kahayag pa baya.
Paghubo, pero tshirt ra... Sa babay, ambot unsay hubuon sa ilaha. Hehehe. Ayaw tawn paghubo sa imong karsones ug brep ha! Adto dayon ka niya dad-on sa equipment ug ipasay niya imong suwang adto... Moingon dayon:
Nurse: Inhale.. Exhale... Inhale... Exhale.. Mana sir
Dali ra jud kaayo sah? Inig human nimog ilis, mogawas ka sa imaging room. Usually, dali ra jud ang results pero kay tungod sa kadaghan sa mga nagpalaboratory, ugma pa makuha ang akong results...
