"KAYA NATIN TO"- A FILIPINO SPOKEN POETRY

Bago ako mag umpisa, gusto ko munang sabihin sayo na mahal na mahal kita. Sisimulan ko sa umpisa sa kung papaanong hawak mo ang aking mga kamay habang may tumutulong mga luha sayong mga mata Sa kung papaanong yakap mo ako habang sinasabi ang mga katagang MAHAL KITA. Napakasakit isipin na ang pagiibigan natin ay pansamantala munang puputulin Napakasakit isipin na ngayon ay walang namamagitan sa atin. Napakasakit isipin.
Kaya ko ba to?
Kaya ba natin to?
Oo! Kaya to!
Yan yung mga tanung at sagot na naglalaro sa isipan ko habang naaalala ko Ang masasayang sandali nung magkasama pa tayo.
Yung mga panahon na tayo ay masaya
Yung mga panahon na wala tayong problema
Yung mga panahon na tayo lamang dalawa.
Ngunit yung mga panahong iyon ay magtatapos din sa salitang tama na muna. MAHAL wag kang magalala pipilitin kong intindihin
MAHAL wag kang mag alala pipilitin kong tanggapin.
MAHAL wag kang mag alala pipilitin kong kayanin.
Nasasaktan ako pag nakikita kitang nasasaktan
Nasasaktan ako pag sinasabi mo sakin yung dahilan
Nasasaktan ako pag naiisip ko yung sinabe mo sakin na walang hanggang Pero mas nasasaktan ako habang ako'y papalayo sayo habang tinitignan ko ang lugar kung saan ka nakatayo. Pero mas nadudurog at nasasaktan ako pag naiisip ko na hindi ko na muli makikita ang saya sa mga mata mo Mga mata mo na nagbigay ng saya sa puso ko. Nakatitig sa mga mata mo habang sinasabi ko sayo kung gano ko kamahal ang tulad mo. Pero mas nagdurugo, nadudurog at nasasaktan ako pag naiisip ko na di ko na muling mahahawakan ang mga kamay mo. Kamay mo na kinakapitan ko sa mga oras na may problema ako..
Nag durugo, nadudurog at nasasaktan ako pag naiisip ko na hindi ko na magagawa yun lahat sayo. Pero MAHAL wag kang magalala kaya ko pa.
Kaya ko pang tiisin lahat ng sakit
Kaya ko pang tiisin lahat ng pait
Alam ko sa sarili ko na tayo ay mahigpit na nakakapit.
Sa mga salitang binitawan
Sa mga pangako na pinagusapan
Habang akoy nakatitig sayo kasabay ng pagtulo ng luha sa mga mata ko at dahan dahan kong hinalikan ang noo mo sabay bigkas sa katagang MAHAL KAYA NATIN TO.