 |  |
|---|
Sining ng Mahika
by 
Isang guhit ng linya.
Dalawang kulay na magkaiba.
Tatlong mga ideya ang nalikha.
Sa bawat kumpas ng kamay na nakakamangha.
Maniniwala ka ba kung sasabihin kong may mahika ang bawat likha?
Dahil sa bawat sining na nagagawa ay isang hindi pangkaraniwang obra ang nakikita.
Dahil ang Sining na ginamit sa bawat pagmanipula.
Ng tono sa bawat musika. Ng linya sa bawat guhit na ginawa minsan ay hindi sinasadya.
Mga Alagad ng sining kung sila ay tawagin.
Bawat kumpas ng kamay gamit ang lapis o kahit anong kanilang naisin.
Naghihirap, nangangamba. Naghahanap at hindi alam kung meron nga ba.
Isang Obrang matatawag talaga, sa likod ng mapaglarong mundo.
At sa bawat katotohanan sa likod kasinungalingang nabubuhay rito.
Pero ang mahika nito ay sadyang hihilahin ka pabalik.
Yayakaping buo at walang hihigit.
Dala nito sa bawat tao'y kasiyang hindi kailanman mahahagip.
Ng pera o ginto sa ating paligid.
At kung mga Obra ay titignan gamit ang iba't ibang mata.
Mahika nito'y maiintindihan mo talaga.
Dahil sa bawat matang nakatitig iba't ibang pananaw ang nakikita.
Sa bawat musikang naririnig magkaibang emosyon ang nadarama.
Dahil ito ang tunay na Mahika ng bawat Sining simula pa noong sinauna.
Banner photo by Ian Abalos, graphics by 
Big "Thank you" to 
