Makabatyag na ang mga byehero lulan sa ilang pribadong sakyanan o bus kung nasulod na sila sa lungsod sa BOLJOON.. kung malabyan na nila ang nag liko-likong dalan ubos sa kahibulungang bungtod sa Ili.
Nganong gitawag siyag kahibulungan?
Dili na maihap ang mga tawo nga gustong mo gun-ob niini aron sa tinguha nga palapdan ang hi-way, apan ang ilang mga blasting caps wala mo buto. Ang mga makina sa ilang mga bullduzer nikagar ug ang driver nasakit og ang uban nipanaw sa laing kalibutan.
Sumala pa sa mga sugid sa katigulangan nga kining Ili adunay nagpuyo nga dakong bulawang bitin/sawa nga ang ulo ana sa altar sa simbahan sa Nuesta Patrocinio de Maria Santisima nga maoy patron sa mga Boljoanon.Dugang pa niini ang Ili Rock nahimong iwag sa mga naglawig sa kadagatan ug mga mananagat sa panahon nga nadunay bagyo aron dili sila masalaag kung ass na ang isla sa Sugbo tungod sa kadulom sa lawod.Salamat sa Ili Rock nga sama sa dakong suga nga nagtamwag sa mga mananagat og naglawig sa dagat.
Sa kasamtangan ang kagamhanan sa lungsod sa BOLJOON nagpasi-ugda sa pagbutang og VIEWING DECK human sa natural nga magkatipak sa maong bungtod atol sa kusog nga linog sa Bohol niadtong tuig 2013.
Ang Ili Rock VIEWING DECK nabantog na karon sa tibuok kabisay-an ug mindanao lakip na sa tibuok kalibutan tungod sa Social Media.