Paglalakbay Sa Dako Pa Roon ni @shikika: Ang Talong Festival Ng Villasis

Sa gitna ng aking paglalakbay, aking nakasalubong ang grupo ng nagagandahang dilag na pinangungunahan ni Hive account@shikika kasama sina Hive account@sunnylife, Hive account@jennybeans, Hive account@yennarido at Hive account@lunamystica . Mukhang malayo ang kanilang pinagmulan kaya naman niyaya ko silang maupo at magpahinga sa ilalim ng malaking puno ng Akasya. Pasalampak kaming naupo at nilanghap ang sariwang hangin saka pinagsaluhan ang dalang meryenda ni Hive account@jennybeans. Aking tinanong kung saan sila patungo ngunit wala silang maisagot na tiyak. Kaya naman akin silang inanyayahan patungo sa aking pupuntahan at malugod naman nila akong pinaunlakan.

source

Nagpatuloy ang aming paglalakad hanggang sa marating ang bayan ng Villasis sa lalawigan ng Pangasinan kung saan ako ay isinilang. Dapit-hapon na kaya hindi na masyadong mainit nang marating namin ang bayan.

source

Ang Villasis ay tinaguriang Vegetable Bowl Of Pangasinan dahil sa pagkakaroon ng masaganang ani ng iba't-ibang uri ng gulay. Nangunguna na rito ang talong, ampalaya, sitaw, okra, kamatis at marami pang iba.

source

Taon-taon sa buwan ng Enero ay ipinagdiriwang ang pyesta sa Villasis upang magbigay puri sa Santo Patron na si San Antonio de Abad(Saint Anthony the Abbot). Dito sa simbahan na ito ako bininyagan at ikinasal. Nagkaroon na ng pagbabago ang simbahan dulot na rin ng papaunlad na bayan.

source

Tuwing pyesta ginaganap dito ang makulay na Talong Festival. May parada ng mga sasakyang inadornohan, sayawan sa kalye, pinakamahabang ihawan ng mga talong at ang pinakamasaya sa lahat...ang pagluluto ng Pinakbet sa kawa ng bawat barangay sa harap ng munisipyo.

Napatuloy ang aming paglalakad. Napakagaganda ng mga sasakyan na inadornohan ng ibat-ibang klase ng gulay. Kung hindi ako nagkakamali, ang bawat barangay ay may kanya-kanyang "medium" sa kung anong gulay ang gagamitin para palamutian ang sasakyan.

source

Hindi nagtagal ay nag-umpisa na ang sayawan sa kalye. Kay gaganda ng kanilang mga kasuotan. Napakakulay. Lahat ay masiglang gumalaw. Talagang pinaghandaan nila ang patimpalak sa pagsasayaw sa kalye. Nakakahawa ang kanilang kasiyahan. Nilingon ko ang aking mga kaibigan. Lahat sila ay wiling-wili sa panonood.

source

Pagkatapos ng sayawan sa kalye ay ang pinaka mahabang ihawan naman ng talong! Napakahaba neto. May daang metro din yata ang inabot at ilang libong talong ang iniihaw pagkatapos ay ipinapamahagi ng libre sa lahat ng tao. Nakakuha rin kami ng ilang pirasong inihaw na talong. Hehehe!

source

Nag ikot-ikot pa kami at sinalubong kami ng nakakatakam na amoy. Sa harap ng munisipyo pala ay nagluluto na sila ng Pinakbet sa kawa! Bawat barangay ay may kanya-kanyang kawa. Patimpalak din kasi ito ng may pinakamasarap na luto ng Pinakbet. At pagkatapos ay pagsasaluhan din ng lahat ang mga niluto.

source

Natapos din ang pag-iikot namin sa bayan ko. Napakasaya pala kapag may kasamang maglalakbay kaya sa halip na umuwi na ako ay sumama pa akong muli sa aking mga kaibigan.

Baka gusto mo ring sumama? Maglakbay tayo sa dako pa roon kung saan tayo dadalhin ng ating mga paa. Masmarami, masmasaya sabi ng ating kaibigang si Hive account@shikika..

---

Sa pamamagitan ng "Ang Dako Pa Roon" ni Hive account@shikika ay naibahagi ko sa inyo ang isa sa ipinagmamalaki ng aming bayang Villasis na "Talong Festival". May ilang taon palang ito mula ng mag umpisa ngunit habang naglalaon ay nakikilala na ito at nagiging isa sa mga atraksiyon hindi lamang sa Pangasinan kung hindi sa buong bansa.

Hive account@akoaypilipina
April 23, 2018
1:01 pm

I thank Hive account@iwrite and Hive account@purpledaisy57 for mentoring me.

Our mentor Hive account@surpassinggoogle has been very supportive of our group #Steemitdiversify and other groups too. Please support him as a witness by voting him at https://steemit.com/~witnesses and type in "steemgigs" at the first search box.
If you want to give him witness voting decisions on your behalf, visit https://steemit.com/~witnesses again and type in "surpassinggoogle" in the second box as a proxy.
Others that we should support are: Hive account@henry-gant, Hive account@kenny-crane, Hive account@beanz, Hive account@teamsteem, Hive account@good-karma, Hive account@busy.org, Hive account@esteemapp, Hive account@hr1, Hive account@arcange Hive account@bayanihan, Hive account@acidyo, Hive account@anomadsoul, Hive account@steemitph, Hive account@jerrybanfield, Hive account@darthnava, Hive account@paradise-found, Hive account@geetharao, Hive account@stephenkendal and Hive account@richq11; they also have supported us. Thank you very much.