Mapagpalang araw po sa lahat! Bago pa man dumating ang Araw para sa mga Tatay, andito po ang aking munting katha na alay ko po sa lahat ng ama sa buong mundo.😊 Sana po magustuhan nyo po.
May isang tao akong labis na hinahangaan,
Isang lalaki na lubos ang aking paggalang.
Masipag, matipuno at iniisip ang aming kinabukasan,
Gagawin ang lahat makapagtapo kami sa magandang Pamantasan.
Pagsusumikap nya ay di mapapantayan,
Halos ginagawang umaga ang gabi para kami at matustusan.
Kaya ginagawa ko ang lahat para di masayang,
Pagpapagal ni Ama na di matumbasan.
Kaya naman kaming mga anak mo pati si nanay sayo taas kamay,
Bilang responsableng haligi ng tahanan na walang makakapantay!
Halos buong lakas iyong binibigay,
Para lamang kaming pamilya mo ay mabigyang ng magandang buhay.
Sa lahat ng ama sa buong mundo kami ay sumasaludo,
Bilang haligi ng tahanan pagpupugay ay nararapat lang sa inyo.
Pagmamahal mo sa pamilya ay hinahangaan ko,
Kaya naman kayo ay aking iniidolo.
Tatay,Ama, Dadi, Itay,Tatang ang tawag sa inyo,
Responsableng taong huwaran na pamilyado.
Buong tapang kong isisigaw sa buong mundo,
Maligayang araw ng ama para sa inyo!
