Mao kana ang pagatpatan sa among lugar, wa kana gi tanum ug na tubo lang na diha saunang panahon pa matod sa among mga katigulangan diri. Swerte kaayi mi kay di jud mi mabalaka kung mag lain man ang panahon o naay bagyo kay abg pagatpat maoy manalipod namu sa mga dagko nga balud ug sa onus sa hangin. Ug dili lang kana, tungod sa pagatpat naay daghan isda sa amung lugar kay punoan ug gamot sa pagapat mao may puy-an sa mga gagmay nga isda ug dili lang isda naa sad daghang mga kasag ug alimango ang nagpuyo ilalum sa pagatpatan. Mao ng kung ganahan mi mo kaon ug mga kasag mo adto lang mi sa pagatpatan ug manguha didto kay naa ra ang mga kasag nag tapok sa ilalum sa pagatpatan. Ug ganahan jud ka madaghan imung mga kuha mas nindot jung gabie mo manguha ug mag dala lang mo ug suga kay daghan kaayo manggawas nga mga isda ug kasag basta gabie.
