Ang Paglalakbay Sa Dako Pa Roon ni @shikika: Paglalakbay Sa Piling Nang Aking Mga Mahal Sa Buhay

Ang paglalakbay na ito ay pinasimunuan ni Hive account@shikika at sinundad naman nina Hive account@sunnylife, Hive account@jennybeans, Hive account@yennarido, Hive account@lunamystica at Hive account@akoaypilipina.

Dahil kami ni Hive account@shikika ay nagmula sa iisang bayan at naibahagi na niya ang mga magagandang mga tao, tanawin at lahat ng maipagmamalaki dito, ngayon naman ay iba naman ang ibabahagi ko sa inyo, ang aking paglalakbay sa iba't ibang panig sa dako pa roon kasama ang aking mga minamahal sa buhay.

Sisimulan ko ang aking paglalakbay sa isang hakbang. Sa simula ay dahan-dahan akong naglakad.

Hanggang sa nakasalubong ko sa Basilica Minore Del Sto. Niño De Cebu ang noo'y mahiyain pero magandang dilag na si Hive account@shikika.

Tinanong ko kung saan siya patutungo, ang sabi niya ay sa Metropolitan Cebu Cathedral at pagkatapos ay pupunta sa pamilihan ng mga prutas sa Metro Ayala. At nag-atubili agad akong sumama.

.

Hindi namin namalayan ang oras. Kami'y hapong-hapong umuwi sa aming tinutuluyang tahanan at nagpahinga.

Kinabukasan, dahil sa pagod, hindi na sumama si Hive account@shikika. Sinulit niya ang araw sa pagpapahinga dahil wala namang pasok sa trabaho nun.

Mag-isa ulit akong naglakbay at binisita ang aking Inang matagal ko ng hindi nakakasama. Niyaya ko siyang kumain sa labas sa isang kainan sa Tacloban City, Leyte at nagkwentuhan ng napakatagal. Nakakasabik masilayan ang kanyang mukha.

Pagkatapos ay sinundo namin ang aking nakababatang kapatid mula sa kanyang eskwelahan sa Leyte Normal University at sabay naming pinuntahan ang aking Ama na noo'y nasa simbahan ng Sto. Niño at matiyagang naghihintay at nagdarasal.

Ipinapanalangin nila na sana ay dumating ang tamang panahon at tamang taong magpapaligaya sa akin habang buhay at magiging kasama ko sa susunod kong paglalakbay sa dako pa roon.

Hindi nagtagal at natupad ang kanilang mga dasal. Natagpuan ko ang taong yon, si Hive account@carlo1974, doon sa isa sa mga paborito kong kainan.

Sa di sinasadyang pagkakataon ay nagkasundo kami'ng magsama at sabay na ipagpatuloy ang dako pa roon.

Ang una naming tinunguhan ay ang probinsiya ng Alcoy, Cebu kung saan siya ay nagmula.

Sadyang napakaganda nang lugar na ito. Tahimik, mapayapa, walang pulusyong nakakasira sa kalikasan at sa tao. Ngunit dahil narin sa napakainit na klima ang ibang pananim ay nasira at namatay.

Sa kabila ng nakakalungkot na tanawing ito sa kanilang sinasakang bukid, ay hindi ito nakahadlang sa masaya naming paglalakbay.

At dahil ikinagagalak ng aking puso ang maglakbay sa lugar na ito ay isinama ko ulit si Hive account@shikika kasama ang kanyang kapatid na si Hive account@bing2. Ito ay sa Narra Park, Alcoy, Cebu.

Nakakalulang pagmasdan ang buong bayan mula sa tuktok. Napakaganda. Nakakawala ng pagod mula sa halos tatlong oras na biyahe ng bus mula sa siyudad ng Cebu.

Pagkatapos ng Narra Park ay nagtungo naman kami sa isa sa ipinagmamalaki nilang baybayin, ang Tingko Beach.

Pagkatapos magtampisaw sa tubig ay pinuntahan namin ang pinakalumang simbahan ng Cebu, ang Boljoon Church sa lungsod mismo ng Boljoon, Cebu,

Hindi kami nagtagal dun kasi inaayos ang simbahan at bawal ang pumasok kaya dumiretso nalang kami sa bayan ng Oslob, Cebu.

Kay ganda ng dagat. Maraming mga turistang lokal at ibayong bansa and nandun. Sa dami ng mga tao ay hindi na namin nasilayan ang mga Butanding at dahil mahal ang bayad at baka hindi na kami makauwi kasi makukulangan ang aming pamasahe, Hehehe.

Sa awa ng Diyos ay nakauwi kami ng matiwasay. Pagod man ay sulit naman ito pagkat baon namin ang napakagandang mga alaala sa aming paglalakbay sa dako pa roon.

Pero teka lang, hindi pa po tapos ang aking paglalakbay. Balikan naman natin muli at ipagpatuloy ang paglalakbay ko kasama ni Hive account@carlo1974. Umuwi ako ng Barugo, Leyte kasama siya at doon kami'y nag-isang dibdib sa harap ng aking mga mahal sa buhay.

Pagkalipas ng isang taon ay biniyayaan kami ng isang napakandang regalo mula sa Maykapal, ang aming munting supling.

Ito na ang pagwawakas ng aking paglalakbay kasama si Hive account@carlo at pagsisimula ng bagong destinasyon kasama ang aming anak. Sabay-sabay ulit kaming tatlo sa panibagong serye ng paglalakbay, sama-sama saan man makarating, sa hirap at ginhawa, sa dako pa roon!

Maraming Salamat Po sa Pagtitiyagang Pagbasa sa mahaba kong kuwento ng Palalakbay!

Maraming Salamat Hive account@shikika sa pag-udyok sa aking gumawa at sa pagiging bahagi ng paglalakbay na ito!

Pinupuri ko rin ang mga malikhain at magandang paggawa nina Hive account@sunnylife, Hive account@jennybeans, Hive account@yennarido, Hive account@lunamystica at Hive account@akoaypilipina!

Sharing my #gratefulvibes story. Join the Hive account@gratefulvibes community by Hive account@paradise-found.

P.S. support the person who inspires many, Sir Terry Hive account@surpassinggoogle by voting Hive account@steemgigs as a witness.
Visit https://steemit.com/~witnesses then type "steemgigs" in the first search box.

Many thanks Steemians!
Maraming Salamat!
Daghang Salamat!
Damo na Salamat!