Ako si Harry
dalawang taong waiter sa Global City
namuti na ang mata ko
sa kakatingin sa sliced tuna
bumabara na sa lalamunan
ang amoy ng kikuman
nangangati na ang mga palad ko
sa kakahawak ng wasabi
kaya naiisipan kong mangibang bayan
sa awa ng Dios tanggap naman
bilang gardener sa isang park
isang buwan ding umiyak si palalabs ko
hindi sa laki ng gastos sa akin
kundi sa pangungulila daw
sagot ko sa kanya
"sayo nalang ako mag salary deduction mahal"
sinagot ang text ko ng walang katapusang
#huhuhu forever
at sa araw ng flight ko
umorder ng maraming pagkain sa airport
hiyang hiya tuloy ako kila ate
at habang ako'y sumusubo
nakatingin si mahal
humahagol-gol pa din.
Aalog alog kami sa eroplano
labindalawang oras daw hanggang Dubai
nakapagresearch na din ako ng konte
Burj Khalifa, Dubai Mall, Burj Al Arab
ah basta kung saan ko gusto
at kung wala pang sahod
makontento nalang muna sa Dubai Creek
nanagangalay maupo ng nag iisip
gusto ko munang maidlip
hanggang lumapag kami sa Chennai
biglang napuno ang eroplano
nanagangalingasaw ang amoy
ang mga hininga nami'y
nagkapalit palit na
ang mga taong umakyat ay halos
walang ligo
at mahilig uminom ng alak
kaya omorder din ako
sabi ko'y isang shot lang
pampatanggal stress
pampahupa ng excitement
dalawang oras pa ang biyahe
ang tagal pang huminga
ng hininga ng iba
gusto ko ng isang shot pa
ng biglang kinabig ni ate ang baso
"uy uminom ka?"
"bawal yan, di ba ng PDOS ka?"
bigla akong natauhan
naisip ko tuloy
ang punta ko ay di lakwatsa
kundi trabaho para sa EKONOMIYA.
