Tula ng aking pag-ibig, iyong dinggin
Tanyag na makata'y di kakalabanin
Nais lang ihayag ang aking damdamin
At gano ako kaswerteng ika'y akin
Walang label, ganon ang ating simula
Dahil sabi ko sayo'y di pa ko handa
Tumanggi noong ika'y manliligaw na
Kahit nanghingi ng permiso kay mama
Masuklian o hindi, ika'y sumugal
Sa walang kasiguraduhang pagmamahal
Ngunit kalauna'y tawagan ay mahal
Hanggang sa naging tayo na aking mahal
Ako ay palagi mong pinapasaya
Lumuha ma'y dahil wagas ang ligaya
Kinikilig sa matamis mong salita
Haplos sa puso mong mga ginagawa
Salamat mahal sa bili mong kahapon
Tula ng pag-big ang akin ngang tugon
Ako na rin ang uutangin ang ngayon
Makasama lang kita buong maghapon