Hikayat Muda Seudang, Pt. 32; Rumoh Mawa

SEUNAMBONG CEURITA

Muda Seudang geutamong u rumoh
Saleuem geu seunoh sigo teuk teuka
Ramee nyang seu-oet su lam rumoh
Ulee teujeungoh soe keuh trouh teuka

Gata lagoe hai Muda Seudang
Rayeuk that rijang hana ta sangka
Hana teujalok di yahwa ibeunu sang
Kalon nyak Seudang ka ubee raya

Na siat geuteubiet cut ni mawa
Dua droe dara seutot dilikot
Geutanyong lanja pajan trouh teuka
Sijaknyoe hai mawa ngon guda angkot

Nam thoun masa hantom meurumpok
Hana teujalok jinoe ka dewasa
Keuneuleheuh lon saweu sambe jak u calok
Gata sep harok jak meu'en bola

Mawa cut ni ka geumeuratouh
Hana geupiyouh chit meunan kada
Geumeusu yahwa haba geupeukoh
Ka sep ratouh kajeut jak peugot kupi

Geubeudoh cut ni jak peugot kupi
Meusambong rawi apacut ibeunu
Haba jameuen geuceurira keulai
Masa putik hi ceurita that seunu

Siat katrouh geubet kupi di cut ni
Keu teumon ie na pisang reubouh
Muda Seudang teuingat amanah ummi
Surat geucari didalam bungkouh

Nyoe pat e mawa surat dari ummi
Peu haba geurawi hana lon baca
Surat geucok le mawa cut ni
Geubaca rawi meutulak kisah

Abeih geubaca surat di cut ni
Muka geupeurati nyak Muda Seudang
Keunari tujoh rupa pat keuh ta cari
Hana taturi hi kiban keuh garang

Surat geujok bak lakoe geuyue baca
Yahwa pih teurpana sang hana geupateh
Asoe meurawi keu keunari tujoh rupa
Meunan geubaca kiban nyang meutuleh

MEUSAMBONG

Bek tuwoe neubaca chit ata awai mangat meuho uram ngon ikue;