SEUNAMBONG CEURITA
Hayeue bak panjoe meuduroe badan
Tanda beu ta pham bek beurangkahoe
Saban keunira bak peutimang seugan
Mangat deungon tan meuculok asoe
Lalee meukisah ban saboh rumoh
Haba meusunoh peu peu nyang suka
Hana geurasa buleuen rhap timoh
Watee peuniyouh meugreb trouh teuka
Meunan chit malam mandum ka sehsoh
Khanduri geupajouh sigo bak tika
Samboung ceurita hikayat geu peu prouh
Sampoe ka mehmoh layouh di mata
Leupie youh malam angen peulimbout
Meuseu-out sambout ngon buleuen peut blah
Meujangeuen nyak Muda keu watee likout
Masa ka susout u nanggroe goh leupah
Geu pet han teungeuet geubeudoh pih layouh
Meuheuet meusunoh nanggroe ujoung utara
Meunyoe kon amanah wajeb geu piyouh
Mungken bagah trouh bak punca reuncana
Allahu rabbi nyang po nyawoung lon
Pakon that rihoun keu bungong jeumpa
Meuribee lon lakee salah neu peu ampon
Takot that ulon keu azeub neuraka
Namun ulon nyoe hamba nyang leumoh
Sabee lam mehmoh keu boh hate jeumba
Neutunyok ra-ueh nazam beu neu peumeu'oh
Neulindoung punoh bak seugala bahaya
Teungeut nyak Seudang bak ujoung doa
Lumpoe peudoda sang lam istana
Teupet sikeujab sang tok siklap mata
Dudoe teujaga ka tan saboh na
Dang watee suboh geu beuet qur'an
Ngon irama nawahan geulantoun qari
Keu phoun geutarek awai maqam nawahan
Lheuh nyan geu rhan ngon nawa meuri
Lanjout geulanggam jawab nyang tari
Dudoe akhiri ngon quflah mahur
Qur'an geubaca ngon sep hati-hati
Hinan keuh dali hukom ka masyhur
Hana soe sangka blah deh lam kama
Saudah teujaga geudeungo su beuet qur'an
Lalee geudeungo irama syahdu meugoda
Lam baten teurasa meuangan-angan
Pue keuh calon lon carong beuet qur'an
Adak han lagee nyan meurdu meudayu
Untong that inong jeut keu binoe gobnyan
Su geu beuet qur'an sang buloh peurindu
Hai dek aini ta beudoh laju bagah
Ta deungo beu pah cara beuet e adoe
Jipeugo adoe jih dara nyang ceudah
Na ngon meujangah han bangai sidroe
Beudoh nyak aini dara nyang keudua
Geudeungo bang Muda lanton alqur'an
Tahe si dara sang han ji peucaya
Nyan su bang Muda peunawa intan
Teuseuheh teuseunyom di aini dara
Lalee ngon suara langgam nawahan
Meugeudhup jantong meumirah muka
Leungkap bang Muda carong ngon tampan
MEUSAMBONG
Bek tuwoe neubaca chit ata awai mangat meuho uram ngon ikue;
- Bhah lhee plouh limong Rumoh Mawa 4
- Bhah lhee plouh peut Rumoh Mawa 3
- Bhah lhee plouh lhee Rumoh Mawa 2
- Bhah lhee plouh dua Rumoh Mawa
- Bhah lhee plouh sa U Tingkeum Manyang
- Bhah lhee plouh Lam Perjalanan 3
- Bhah dua plouh sikureueng Lam Perjalanan 2
- Bhah dua plouh lapan Lam Perjalanan
- Bhah dua plouh tujoh Ulang Kisah
- Bhah dua plouh nam Bak Cut Ti Hayat
- Bhah dua plouh limong Meupisah
- Bhah dua plouh peuet Ziarah Kubu
- Bhah dua plouh lhee Jak Ziarah
- Bhah dua plouh dua Sahabat Pang Juhang
- Bhah dua plouh sa Han Sep Beulanja
- Bhah dua plouh Jak Bloe Guda
- Bhah sikureueng blah Langkah Phoun
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
