. I used tagalog language for my entry. Hope you guys enjoy my simple filipino poetry.
Habang ako ay lulan ng sasakyan,
Di ko maiwasang mapatingin sa kapaligiran,
Kaakit-akit na mala-paraiso ang aking natanglawan,
Dagdag pa ang malinis na hanging tumatama sa aking katawan.
Di ko maipaliwanag ang aking kasiyahan,
Para akong idinuduyan ng walang hanggan,
Tila musika sa pandinig ko ang katahimikan,
Katahimikang pangarap kong makamtan.
Kaygandang pagmasdan ang nagsisisayawang puno,
Mga ulap na hugis-hayop na parang naglalaro,
Lalo na kung mag-aagaw na ang liwanag at dilim sa mundo,
Kaysarap sa pakiramdam kung pagmasdan ang mga ito.
Sa patuloy na pag-usad ng kinalululanan ko,
Napakahinahon ng tibok ng aking puso,
Walang lungkot, takot, pighati ang nasa aking puso,
Hiling na sana ang buhay ay laging ganito.
Hindi man lahat ng masilayan ay kasingganda ng nakikita ko,
Hindi man lahat ay kasintahimik ng lugar na ito,
Alam ko sa isip at sa puso ko,
Dadating ang panahong magkakaroon ng totoong paraiso.
Note: Photo is mine
If you want him to be your proxy in voting for witness, you can visit https://steemit.com/~witnesses and type "surpassinggoogle" in the second box.
