Dara Meutuah
Meunjo peureulee inong meutuah.
U dalam dayah laju yak mita.
Dara di sinan aurat tan leumah.
Chit tok dikeubah keu suami teucinta.
Nafsu dipeutheun masa lam dayah.
Han dipeuleumah golom troh masa.
Padahai syahwat sama meugapah.
Ingin meucumbu deungon meucinta.
Oh watee singoh kajeut meureupah.
Sidara dayah that meuseulera.
Peugot piasan meuapoh-apah.
Raseuki Allah han disia-sia.
Seudangkan dara yang kon bak dayah.
Peulom yang jatah sabe diba-ba.
Singoh ngon lakoe hana le indah.
Buet buka puhah jih ka biasa.
Tinggai masa njan meukreuh-kreuh abah.
Bungeh that bagah beok peukara.
Meupeu disuot asai tapeugah.
Laju dibantah peusabe haba.
Di aneuk dayah taat meuleumpah.
Lakoe dipapah dipeumulia.
Sabe dikhadam dara meutuah.
Taqwa keu Allah keu lakoe seutia.
Nyoe peungalaman na ureung peugah.
Ngon aneuk dayah disunteng manja.
Dikalon di luwa sapeu han leupah.
Di dalam gairah luar biasa.
Maka jih adoe muda bahlia.
Meukeuluarga jinoe beubagah.
Mita peuteumuen yang aneuk dara.
Langkah beusigra keudeh bak dayah.
Rahasia njoe rame han tupeu.
Sidara pageu rame idola.
Padahai lam pruet punoh ngon uleu.
Bak jih njang di keu chit tok hareuta.
Keu bahagia hana sagoe nyan.
Peugot piasan pih hana gura.
Sabab jih laen kana idaman.
Lakoe njang sajan han le dikira!
Ka biasa..
