Hindi ko ipinagbili ang aking kaluluwa.
Ikaw lamang ang aking Diyos.
Alam kong walang ibang maaring ialay sa iyo,
Kundi bukod-tanging debosyon.
Gayunma'y alam ko ring ikaw lamang,
Ang tanging kayang umunawa,
Sa akin ng lubos,
Yamang ikaw ang sa akin ay lumikha.
Ikaw lamang ang kayang bumasa,
Sa kalihim-lihimang dako ng aking puso.
At alam kong alam mo na ako ay umiibig,
Sa iyo ng tunay at nais kitang paglingkuran.
Sa iyo ang lahat ng bagay.
At wala akong maibibigay na hindi mo pag-aari.
Nagpapasalamat akong tanggapin mo,
Kung anuman ang aking maibibigay.
Ako ay saksi mo.
Nais kong palugdan ka.
Tulungan mo akong maging mabuting halimbawa.
Tulungan mo akong tulungan ang iba.