Salam alaikom saleum lon intat
Keurakan sahabat tuha ngon muda
Lon neuk ci kisah haba peuingat
Uroe kiamat karab trok teuka
Uroe ngon malam leumah ta lihat
Tanda raya that kiamat teuka
Inong ngon agam rame ka bangsat
Tan le lam taat tuha ngon muda..
Lalo buet dosa dalam tiep saat
Tuwo ibadat pujoe Rabbana
Tuha ngon muda kasama batat
Buet lage kaplat sinoe didonya
Bak peugah haba pih gadoh ingat
Sang cukop nikmat sino lam donya
Hana teupike karab kiamat
Ingat hai sahbat donya fana
Beuthat pih kaya rumoh meutingkat
Toko teuh jai that sare mubanja
Beuna tapike udep teuh siat
Harta meulipat tinggai didonya
Inong yg tari ka gop yg jungkat
Dak moto alfath ka gop yg ba- ba
Toko meubanja ka gop yg meukat
Rumoh raya that ka gop po atra
Yg na taba keudroe teuh sahbat
Uroe akhirat keupangkai gata
Cuma 3 macam yg na manfaat
Pubuet hai sahbat masa didonya
Yg phon hai wareh amai ibadat
Aneuk yg taat teuma keudua
Seudeukah jariah keu 3 hai sahbat
Nyankeuh soe intat tanyoe lam syurga
Oh no mumada haba peuingat
Nyo na manfaat neupakek sigra
Nyona yg salah meu,ah hai sahbat
Neumaklum siat hantom biasa
Ulon akhiri ummi ngon ustad
Wareh ngon sahbat meuah lon pinta
Nyo panyang umu geubi le po hadharat
Bak laen teumpat lon sambong teuma..
