Masaya tayong magkasama,
Walang lungkot at kaba na inaalala,
Basta’t ikaw ang kasama.
Naglalaro tayo sa damuhan,
Naghahabulan sa may halamanan,
Nagniningning ang ating mga mata,
Naglalambingan na parang bata.
Pinupuntahan mo ako sa amin,
Hinihintay habang nakatingin sa salamin,
Yayayain sa labas para kumain,
Susubuan ng kahit anong kakanin.
Masaya tayo diba?
Tayo hanggang sa huli diba?
Pero, anong nangyari sa atin?
Sa relasyon natin.
Nagbago ka.
Ako’y nagtaka.
Ang kasiyahan na parang musika,
Ay naglaho na parang bula.
Hindi ka na nagparamdam.
Marami na akong agam-agam.
Tumitingin na lamang sa kawalan.
Nagtatanong, BAKIT MO AKO INIWAN?
Maraming Salamat sa Pagbasa (Thank you for Reading!)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.