"Nanggigigil Ako Sayo"
Nanggigigil ako sayo
Dahil sa taglay na ganda mo.
Mukha mo'y nakakatulala
Alindog na nakakanganga
Mapupungay mong mga mata
Nakakapanghiwalay ng kaluluwa
Perkektong hubog ng iyong katawan
Parang hindi ko na kayang pakawalan.
Araw at gabi ikaw ang iniisip ko
Hudyat na "Nanggigigil Ako Sayo".
Ang cute mo, sarap mong tirisin
Sana naman ako'y bigyang pansin.
Ipapasyal kita sa mundong di mo nanaisin
At handa akong mundo mo'y wakasin.
Sa lugar na tayo ay biglang liliko
Sa dimensiyong saglit lang maglalaho.
Gagawin ang ginagawa ng madla
Bagay na mag-aayon sating kaluluwa.
Ang gawi na ating paghihirapan
Tayo lang at walang ibang makakaalam.
Ipapasyal kita patungong langit
At mga tala'y aking isusungkit.
Para maging liwanag sa paligid ay madilim
Tayo'y liligaya sa isang kulimlim
Maraming Salamat sa Pagbasa (Thank you for Reading!)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.