Galing ka sa isang masakit na hiwalayan
Sambit mo'y pinaglaruan ka ng kapalaran
Kaya ngayon ito ay iyong iniiwasan
Dahil sa takot na baka ika'y masaktan

Naging sukatan ang pangyayaring iyon
Para ibalewala ang iyong atensyon
Sa panibagong sibol ng pagmamahal
Puso mo'y kasintibay na ng yakal

Hinimok ng panahon at karanasan
Mga nagdaang labis kang nasaktan
Nagsilbing aral para ang puso'y sarhan
At kandado na para sa nais itong buksan