"Tinamaan Nga Ako"
Walang hiya ka kupido
Bat ako ang pinuntirya mo.
Di ko kailanman ito ginusto
Lintek, "Timaan nga Ako".
Nung mahulog ako sa iyo
Nag-iba ang ikot ng mundo.
Araw-araw ikaw ang hanap ko
Minu-minuto ang pagsagi mo.
Ang isip ko'y gulong-gulo
Ako na ay parang nalilito.
Ikaw ang laging hanap ko
Laman ka na nga ba ng puso?
Umilaw ang aking mundo
At ikaw ang dahilan nito.
Mga lakad nati'y tuwing linggo
Walang mintis dahil ito'y ating gusto.
Ewan ko ba pero nag-iba na ako
Simula nang ika'y makapiling ko.
Hudyat bang nahulog na sayo?
Ang puso kung baliw na baliw sayo.
Walang hiya ka talaga kupido
Lintek! Tinamaan nga talaga ako.
Kung ganun, mamahalin kita ng buong-buo
Walang katapusan yan ang aking pangako.
Maraming Salamat! (Thank you for Reading)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.