Kailangan ko ngayon ay malamig na tubig
Nangangapa sa "tubig" ang aking bibig
Pagod na pagod galing sa aming laro
Ang larong nagpapabukal sa aming dugo

Basketball na nakahiligan ng magkatropa
Ang sarap maglaro kapag magkakasama
Di alintana ang pagod at pawis na lalabas
Basta't ang aming pagkasabik ay mailabas

Hindi lang laro kundi ang samahan ng barkada
Hindi lang pawis kundi ang aming pagsasama
Na kailan man ay di mapapalitan ng sinuman
Masayang ala-ala simula nung aming kabataan

"Tubig" lang ang kailangan at balik na agad
Sa paglalaro na siyang aming hinahangad
Makapuntos at makagawa ng mga swabeng galaw
Nais lang gumaling ng kami ay makahataw