"Utang Na Loob"
Ito'y di dapat hinihingi kundi kusa.
Tumulong ka ng walang kapalit
Kaibigan, wag mo sana itong ipilit.
Hilingin ito ay di mo dapat gawin
Hayaan ang mga tao na ito'y naisin.
Dahil ang pagtulong galing dapat sa puso
Iwakli ang kaugaliang pagpapakatuso.
Ako'y nabigla kasabay ang pagkalungkot
Nang ito'y binanggit ng walang pasikot-sikot.
Utang na loob ba'y wala ba talaga ako?
Dineretsahan kasi ang mga katagang ito.
Ito'y nakakagimbal sa isip ko at sarili
Salitang galing sa kaibigang pareho ang mithi.
Ganun na ba talaga ako kababaw pare?
Dahil deretsahan mong sinabi iyon sa ere..
Ako'y may maraming hinaing na dapat isabi
Pero hindi magawa at gusto na lang itong isarili.
Pagtingin ng ibang tao'y lulunukin na lang
Mga sakripisyo ko'y di man lang pinahalagahan.
Maraming Salamat sa Pagbasa (Thank you for Reading!)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.