Pilipinas Ang Lumang Bersyon
AkdangTula #3
Orihinal na Komposisyon ni
http://rodeliovizon.blogspot.com/2015/10/bukid.html?m=1
Tiktilaok! Tiktilaok! sigaw ng bawat tandang sa bawat sulok
Habang ang araw ay dahan-dahang sumisilip sa bundok
Akoy nagising at sa munting pintoan ng kubo akoy nagmukmuk
Hinihintay ang pagliwanag ni haring araw sa boung paligid ng purok
Alas otso na nang umaga maglalaro na naman kami ng tumba lata
Ibabato ang lumang tsinelas sa lata na nasa bilog at nakaapak linya
Pok! Sapol! Takbuhan ang mga pinsan ko dahil latay natumba
Habang si kuya na taya nakaabang kung sino ang papalit sa kanya
Pagkatapos ay mag iisip na naman ng ibang mapaglilibangan
Luksong Tinik na naman ang aming naisip at napagtripan
Pinagpatong ang nakabukang kamay at paa ng aking pinsan
Talon ng malakas upang mataas na toring kamay malagpasan
Uuhawin at magpapaligsahan maunang tumakbo sa may sapa
Iinom nang tubig upang uhaw na nadamay mapawi at mawala
Aakyat ng mangga upang matuwid ang nagmamaktol na bituka
O kayay magpuputol ng tobo at sisipsipin ang matamis na sanga
Mayamayay tatawagin ni nanay upang ang alagang hayop ay mapakain na
Magtatabas ng sanga ng puno at damu para sa mga kambing at sa baka
Dahan dahang gagatasan ang kambing at baka habang nagpapahinga sila
Nang ang nakuhang gatas ay malako ni tatay sa palengke at nang magkapera
Sa dapit hapon ay muli na naman maglalaro sa may bakanteng lote sa bakuran
Tagu-Taguan maliwanag ang buwan wag magtago sa kadilim-diliman
Kantang maririnig habang sinasabayan ang paglubog ng araw sa kanluran
Habang ang ibay dahan dahan tumatago para di makita ng taya na si pinsan
Sa aming hapunan magpipitas ng mga gulay sa aming bakuran
Talong na aming tanim, kunting gisa lang ay pwede ng pagsaluhan
Samahan mo pa ng daing na may suka at kamatis sa hapagkainan
Tiyak bitukay matutuwid, mabubusog at tiyak lalaki ang kalamnan
Mayamaya pag nabusog na ay sa labas magkukumpol kumpol
Uupo na pormang bilog sa damuhan kasama sina utol
Magkukwento ng katatakutan kasama na ang paring ulo ay putol
Ngunit magtatawanan dahil sa takot ang nagkukwentoy nauutol
Simpli at payak na pamumuhay ay masayang tunay
Walang masyadong gulo walang masyadong away
Kasamang maninirihan sina kuya ate nanay at si tatay
Sa kapatagan sa gitna ng kabukiran kami ay namumuhay ng matiwasay
Ang tulang ito ay tungkol sa simpling pamumuhay sa bukid. Dito kung saan wala pang masyadong polusyon. Kung saan wala pang masyadong gadgets at hindi pa masyadong uso ang teknolohiya. Kung saan ang bawat bata ay malayang nakapaglalaro sa bakuran nila. Isinalaysay sa tulang ito kung gaano ka sarap manirahan sa bukid kung saan malayang nakakapitas ng prutas sa bawat bakuran na paminsan minsan nalang natin makikita ngayon.
Kay sarap naman talagang balikan kung ano ang Pilipinas noon. sariwang hangin at sariwang pagkain. Saan may makikita pa akong mga batang naglalaro sa bawat sulok ng kalya at nag lalaro ng mga larong pinoy.
UPVOTE | RESTEEM | FOLLOW