"Aking Sinta"
Sa iyong ningning ako’y nahuhumaling
Dulot mo’y liwanag sa kapaligirang makulimlim
Gaya ng pag-ibig kong sadyang malalim
Ang iyong ganda’y parang mga bulaklak
Sa hardin ng inay na namumukadkad
Ngiti at sulyap mo’y walang katumbas
Kaya pag-big ko sayo’y hindi kukupas
Ang tula kong ito’y sayo’y inaalay
Dahil sa pag-ibig mong tunay na makulay
Tinitiyak kong puso mo’y liligaya
Sa bawat salita na aking bibitawan
Paghanga ko sayo’y hindi ko mapigilan
Dahil taglay mo lahat kong kahinaan
Sa bawat segundo na aking orasan
Gusto kong ika’y aking masilayan
Pag-ibig ko sayo’y parang karagatan
Hindi kayang sukatin ng maging sino man
Dahil sa ikaw ang tunay na kahulugan
Ng aking buhay sa mundong ibabaw
Sumulat at kumatha
Joseph
Maraming Salamat sa Pagbasa
Nawa’y nagalak kayo sa aking mga katha
Tunay at sadlang mabulaklak.
Kung meron man kayong komento o reaksyon.
Lubos kong kagalakan na iyon ay malaman.
Image Source : http://www.pixabay.com
