Ang araw na ‘to ay para sa’yo
At maging sa lahat ng tatay sa mundo
Ang tulang ito’y sa iyo hango
Sa kabutihan at pagiging huwaran mo
Walang sawang pasasalamat
Ang sa labi ko’y isasambit
Pagiging ama mo sami’y isisiwalat
Ilalantad lahat at ako’y hindi paaawat
Responsableng haligi ng tahanan
Pagmamahal ang sa puso’y nananahan
Ibinibigay aming mga pangangailangan
Lahat ay gagawin at paghihirapan
Simpleng pamumuhay sami’y ipinamulat
Respeto sa nakatatanda’y nararapat
Sa lahat ng bagay ay dapat tapat
Paalala tuwina sa’ming anak na apat
Hindi man sagana sa materyal na bagay
Masaya naman ang ating buhay
Sapagkat kumpleto tayo sa bahay
Kaming mga anak, si nanay at si tatay
Larawan mula sa Google