Kinaiyahan
Katin-aw sa tubig nagdagayday sa mga kasapaan.
Mga taghoy sa siloy ug urban pang kalanggaman,
Naghatag ug kalipay sa mamingaw nga kadalanan.
Kauban sa buyog nga sa mga bulak nanimpalad.
Any mga bangaw sa kalangitan nagduyan-duyan,
Nga nagdalag kaanyag sa mangitngit nga kapanganuran.
Gikan sa sidlakan nga mibanos sa kagabhion.
Ang mga taligsik ug nilagasak sa ulan,
Maoy naghupay sa kauhaw sa kaumahan.
Nga naglantaw sa mga binuhat nga gihalaran,
Sa mga tam-is nga kansyon ug mga balak,
Sa nagtamod hatag nangalimyong mga bulak.
Nga usahay ato na kining gikalimtan,
Ang kaanindot ug talagsaon nga Gasa,
Sa Kinaiyahan kita nahisama.
