Sa mga Kamot
Sa pagpaningkamot mabuhi kauban kanunay si nanay.
Simbolo sa pakigbisog ug pagbuntog sa kalisud,
Tataw pa sa udtong tutok ang kahimtang sa’tong nasud.
Ug dili igsapayan edukasyon sa anak magpatigbabaw.
Hayan mga kabataan ug kabatan-unan ayaw kini usiki,
Kay inig abot unya sa panahon dili ikaw ang alkansi.
Kay dili sa tanang oras nga ginikanan magasilbi.
Pagkugi mga amigo ug amiga sa inyong mga panaw,
Ug ayaw kalimti ang mga ginikanan kay hapit na ilang lakaw.
Sa pagpadako kanato nga maayong mga tao,
Mo abot ang panahon nga kita naa sa ilang lugar,
Ligdong ug lig-on unya kita, dili mokagar.
