Mulat
Tawag sa telepono, paghinto ng motorsiklo
telegrama sa palad kalakip ay pagbabago
Sa pagpaltik ng pahina ng isang panibagong yugto
kasabay ay pagtayo mula sa pagkakayuko
Sa dalawang daang pinagtagpo ng isang dulo
tinahak ang daang walang bakas, ni anino
Dahan-dahang binaybay na ang mata'y nakapiring
Daan sa katotohanan, ako'y nagising
Sa mga unang hakbang ng kanang paa
kaliwang kamao kusang umalsa
Sa dakong ito'y tanging pag-ibig ang bulag
Inalis ang piring, mga mata'y namulat
Mga bisig ay nakadupa, sa kalangitan ang mukha
Sa hublas na katawan maraming nanghusga
'Sa apat na sulok ng kwarto', ang siyang tugon niya
'di lubos masukat, matutunan pagmamahal sa bansa'
Sa bawat pagpapatuloy at gunita
mananatiling sagisag ang luntian at pula
Humayo, Inang Bansa, ika'y maging malaya
mula sa pagkabihag ng sarili kong ama
di rin magbabago ang damdamin'