Senja meugantoe ,mata uroe loep
Langet meusagop ,awan meulapeh
Sijuek meu Sap2 angen Peubapot
Ulon meulimbot ,ateuh tempat Eh...
Hana teurasa ,mata lon rawoet
Hate sang gugop ,jiwa nyum seudeh
Teu ingat kisah ,yg ka U likot
Masa meupawot ,cinta ngon gaseh..
Luka yg awai, tan soe peubalot
Mantong meuparot ,gohlom goet puleh
Jinoe ji teuka, lara meuturot
Rasa han sanggop ,lon peutheun peudeh..
Malam berlalu, semaken larot
Hate lon kalot, rindu teuseureh
Meutamah teu moe ,nyo lon peuturot
Harus lon ikot ,nasib meugareh..
Tengoh lon harap ,kanda peu likoet
Meutem jak suroet ,sidumna paleh
Sabe tip sa'at,kanda lon kawot
Malah neu caroet ,hate lon peudeh..
Meunyo bit keu lon ,pinto ka kautop
Meubek neu carot, dengon neu cureh
Menyoe ta galak,peugah bang daot
Rela ulon top,pintoe ngon binteh..
Adak lon peugah ,lemah ngon leumbot
Hana le patoet ,laen meu pileh
Meudarah Luka ,Lam Dada Busot
Bak nyum sang teu bot, hate lon meu kreh..
Meuah lon lakee,bak abang dawot
Kisah ulikoet,lon pinah habeh
Meu mada oh no,kisah lon punjot
Jinoe ulon top,laen lon gaseh..